واتساب يلغي مؤقتا التحديثات
الواتساب عمل تحديثات مؤخرًا متعلقة بسياسة الخصوصية وقال أنه هيخير المستخدمين بين الموافقة على استخدام التطبيق بعد التحديثات أو هيتم وقف الحساب وحذفه بداية من 8 فبراير 2021.
اللي حصل أن الواتساب أصدر بيان وأعلن عن تأجيل العمل بسياسة الخصوصية الجديدة مؤقتًا حتى 15 مايو 2021.
والسبب بحسب البيان أن فيه معلومات غلط منشورة تسبب القلق حول التحديث الجديد، وأعلن أنه يرغب في مساعدة الجميع على فهم الحقيقة والقواعد.
وأكد التطبيق أن المحادثات هتكون مشفرة، يعني مش هيتم مشاركة الشات اللي بتكتبه مع أي حد، الواتساب والفيسبوك مش هيشوفوا الرسايل دي.. ومش هيتم حفظ سجلات الأشخاص اللي بتراسلهم أو بتتصل بيهم عن طريق التطبيق، وكمان التطبيق مش هيشوف موقعك اللي بتشاركه مع غيرك ولا هيقوم بمشاركة قائمة الأشخاص الخاصة بيك مع الفيسبوك.
وأعلن التطبيق أنه هيأجل التاريخ العمل بالتحديث الجديد وتوضيح معلومات أكتر عن الخصوصية والأمان على الوتساب.. والتحديث هيكون متاح من 15 مايو الجاي.
مصادر
