من دخان النيران للواتساب.. تطور التواصل عبر الزمن

Published on : 22/07/2020 Updated on: 06/05/2025 16:05:59 Classification: Explainer

تخيل لو كنت عايش في العصر القديم ايه أفضل طريقة كنت هتتواصل بيها مع غيرك.

الحكاية بدأت مع اللغة واللي كانت من أول وسائل التواصل البشري وساهمت في تسهيل وصول المعلومات بين أفراد المجتمع الموجودين في نفس المكان، فكان التواصل بين البشر بيتم شفوي قبل اختراع الكتابة.

بعد كده تعددت الوسائل اللي استخدمها الإنسان للتعبير عن مشاعره وأفكاره سواء بالكلام أو بالإيماءات أو باستخدام الإشارات أو لغة الجسد، بالإضافة إلى استخدام نبرات الصوت المختلفة للتعبير عن مختلف المواقف.

كانوا بيتواصلوا ازاي عبر المسافات البعيدة.

استخدم الإنسان من آلاف السنين مجموعة من الإشارات باعتبارها حل لمشكلة التواصل عبر المسافات البعيدة، زي:

• إشارات الدخان

• الطبول: تم استخدام الأصوات المختلفة الصادرة عن الطبول كوسيلة لإرسال إشارات إلى القبائل والجماعات المتجاورة.

• الصفير: ودي تعتبر لغة غير لفظية وتعرف بلغة جوميرو واللي بيستخدمها سكان جزر الكناري للتواصل الفوري عبر الوديان بهدف تلبية احتياجاتهم.

بس الوسائل دي مكنتش فعالة في التواصل لأنها مكنتش حل للمسافات البعيدة وكانت مقيدة بالوقت اللازم لحدوث الاتصال، وكمان غير قابلة أنك تسترجعها علشان تفتكرها، فالكلام ينتهي بمجرد التلفظ به، والدخان يتطاير بسرعة ويختفي بسبب الرياح.

كانت نقطة التحول في تاريخ التواصل هي اختراع الكتابة، واللي تسببت في تغيير جذري في عالم التواصل من خلال طرق مختلفة في الكتابة. فاستخدم الإنسان المطرقة للكتابة من خلال النقش على الحجارة، وساعدت الطريقة دي على تطوير ثقافة البشر ونقلها للأجيال القادمة.

امتى كانت أول كتابة

أول كتابة ترجع لاكتشاف طريقة الكتابة على لوح كيش (Kish tablet) الحجري القديم لعام 3500 قبل الميلاد، واللي استخدم فيها السومريون في مدينة كيش القديمة المسامير لنقش الكتابة بالصور على الألواح. ويتشابه النوع ده من الكتابة مع الكتابة الهيروغليفية المصرية القديمة، واللي بيعود تاريخها لحوالي 3200 قبل الميلاد.

ظهور الأبجدية كان من النقلات المهمة جدا في تاريخ التواصل الإنساني. قدماء المصريين والكنعانيين كانوا من أوائل المخترعين لأنظمة الكتابة القديمة، واللي اتطورت في زمن الفينيقيين، وتمّ الإقبال على تعلُّمها في مدن الدول التابعة للبحر الأبيض المتوسط، وازداد انتشارها ووصلت إلى اليونان.

هل الموضوع وقف عند الكتابة

توالت الأفكار وبدء استخدام وسائل تانية للتواصل بعد اختراع الكتابة، وهنا نيجي للحمام الزاجل واللي ابتدوا يستخدموه في بغداد زمان لنقل الرسايل والمعلومات المهمة من مدينة إلى أخرى لدرجة أن الحمام الزاجل حل محل إرسال الأفراد. وكان الناس بيختاروا الطيور المناسبة ويطوروا قدراتها ويستفيدوا من ميول النوع ده من الحمام في الرجوع دايما لبيته الأصلي.

ظهرت أنظمة الخدمات البريدية في الهند والصين، بعد ما بدأ الرومان استخدام البريد من عام 14 بعد الميلاد.

بعد كده جه الاختراع اللي غير حياة البشرية بعد الاعتماد على الكلام اللفظي والكتابات اليدوية البسيطة الفترة السابقة للقرن الخامس عشر الميلادي، وهو الطباعة واللي بيرجع الفضل للألماني يوهان جوتنبرج، اللي اخترع نوع مطور من الآلات الطابعة، قام بتطوير قوالب الحروف بحيث أنها توضع بجوار بعضها البعض وفوقها الورق ويضغط عليه فتكون مطبوعة.

ومع التطور التكنولوجي واختراع الهواتف، ظهرت وسائل كتير للتواصل بين الناس، زي الفيسبوك، واتساب، انستجرام وغيرها من التطبيقات اللي ظهرت حديثًا ولسه مستنين نشوف إيه هيظهر تاني ويقربنا من بعض.

مصادر

https://bit.ly/3fWJWuF
https://bit.ly/2WN0Owm

Conclusion

بدأ التواصل بين البشر باستخدام اللغة الشفوية، ثم تطور باستخدام الإيماءات والإشارات مثل الدخان والطبول والصفير، لكنها لم تكن فعالة لمسافات بعيدة. جاءت نقطة التحول باختراع الكتابة، وظهرت أولى المحاولات مع لوح كيش عام 3500 قبل الميلاد. تطورت الكتابة لاحقًا إلى أنظمة أبجدية وانتشر الحمام الزاجل والبريد، ثم أحدثت الطباعة ثورة في نقل المعرفة، وصولًا إلى وسائل التواصل الحديثة كالهواتف ومواقع التواصل الاجتماعي.

دينا إبراهيم (المديرة التنفيذية)

تمتلك مديرة المرصد خبرة متميزة في الصحافة تتجاوز 17 عامًا، إلى جانب أكثر من سبع سنوات في مجال الر...

Correction policies

The Akhbarmeter team provides a space for stakeholders and the public to respond to information contained in the fact-checking process and correct it with complete transparency. You can contact us via our email at [email protected]. The team will also undertake to make the necessary corrections as soon as possible once the information is confirmed and accepted. Apply here