إعلانات شراكة تواصل معنا

إصابة الفنانة عبلة كامل بالسرطان

pages.topic.publishedAt : 12/11/2020 pages.topic.updatedAt: 08/04/2022

تخيل نفسك عايش وتتمتع بصحة جيدة وتتفاجأ بخبر إصابتك بمرض السرطان وأنك في مراحله الأخيرة.

ده اللي حصل مع الفنانة الكبيرة عبلة كامل اللي انتشر من يومين أخبار عن إصابتها بالسرطان وأنها في المرحلة الأخيرة من المرض.

الإشاعات دي نفاها زوجها الأسبق الفنان أحمد كمال وابنتها زينب كمال والكاتب بلال فضل.

وده جزء من اللي كتبه بلال فضل على صفحته الرسمية الفيسبوك " الفنانة الكبيرة الأستاذة عبلة كامل طلبت مني أوصّل الرسالة دي لعلها توصل لأي حد بينشر إشاعات عن حياتها وصحتها: "عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب".

وقال زوجها الأسبق أحمد كمال على حسابه على الفيسبوك "الفنانة عبلة كامل بصحة جيدة، وما تردد عن حالتها الصحية اليوم، كذب وخداع ورغبة في تحقيق مكاسب رخيصة، علي حساب فنانة كبيرة".

هنلاقي إشاعات كتيرة مش بس عن مرض شخص، بتوصل في بعض الأحيان لوفاة شخص وهو على قيد الحياة أو العكس أخبار عن إحياء الشخص وهو متوفي زي ما حصل مع ستيف جوبز مؤسس شركة أبل.

أخبار كتير منتشرة حوالينا ولكن بعضها مش صحيح ومفبرك وبتسبب أذى نفسي وأحيانا مادي واجتماعي للأشخاص.. تحقق وابحث قبل ما تصدق أي خبر وتشاركه مع غيرك.

تابعوا البوست القادم علشان تعرفوا إيه اللي حصل مع ستيف جوبز.

مصدر الصورة: مسلسل سلسال الدم إنتاج أوسكار للتسجيلات الفنية والذي تم عرضه على قناة إم بي سي مصر.

مصادر

https://bit.ly/36lITRs

pages.topic.tags

#خبر غير حقيقي

pages.topic.factChecker.label

دينا إبراهيم

تمتلك مديرة المرصد خبرة متميزة في الصحافة تتجاوز 17 عامًا، إلى جانب أكثر من سبع سنوات في مجال الرصد الإعلامي والتحقق من المعلومات، مما أكسبها مهارا...