«قالوا لي هنعمل مصلحة حلوة».. تفاصيل مثيرة في اعترافات المتهم بخطف بقال بمنطقة دار السلام (مستندات)
اعترف عامل ألوميتال، بـخطف بقال وسرقته بالإكراه، بعد استدراجه بإعلان على موقع التواصل الاجتماعي «فيسبوك» لمركز تدليك.
وأقرّ «م.أ.ط» المتهم بخطف وسرق المجني عليه «ح.م.ب»، أمام النيابة العامة، بأنه وزملائه المتهمين اتفقوا معه على أنهم «هيعملوا مصحلة حلوة هنكسب منها فلوس».
جريمة خطف بقال لسرقته في منطقة دار السلام
التحقيقات كشفت عن تفاصيل الجريمة، إذ قال المتهم بخطف بقال بمنطقة دار السلام: «ليا 4 أصدقاء قالولي إن فيه مصلحة حلوة ممكن نعملها وبتكسب فلوس وقالوا لي على الفكرة، إن فيه ناس هتكلمنا على أساس إن إحنا مركز تدليك».
وإلى نص تحقيقات النيابة العامة في سماع أقوال أحد المتهمين في خطف وسرقة بقال بمنطقة دار السلام:
س: ما هي تفصيلات إقرارك؟
ج: اللى حصل إن أنا ليا أخ اسمه «م.» وهو أخويا من أم ثانية، و«م.» جاري لقيتهم بيقولوا لي إن فيه مصلحة حلوة ممكن نعملها ونكسب فلوس وقالوا لي على الفكرة، إن فيه ناس هتكلمنا على أساس أن احنا مركز تدليك وهنتقابل معاهم وهيبقي دور «م.» بالاتفاق مع واحد اسمه «ي.» إنه بيجيبلنا الناس إلى هنسرقها. «م.» يستقبلهم قدام سنترال دار السلام وياخدهم معاه على الموتوسيكل للبيت إلى موفره «ك.» ومجرد ما يطلع الشخص يقابلني أنا و«ك.» في البيت بنتكاتر عليه ونحبسه جوا الشقة ونطلع بالفلوس إلى معاه كلها وبعد كده نمشيه. والي حصل يوميها إن إحنا عرفنا الشيخ «ح.م.ب.»، واتفق مع «ي.» على جلسة 10 بالليل وعليه رحت أنا و«ك.» على الشقة واستنينا هناك و«م.» راح يجيب الشيخ «ح.» على الشقة وبمجرد ما وصل لقانا مستنيينه جوا روحنا موقعيته على الأرض وضاربينه وواخدين منه كل اللى معاه وبعد كده نزلوا بيه «ك.» و«م.» وأخدوه على موقف الميكروباص وده كل إلى حصل.
س: متي واين حدث ذلك؟
ج: الكلام ده حصل في منطقة دار السلام.
س: ما هي علاقتك بكل من «ك.» والمدعو «م.»؟
ج: «ك.» يبقى جاري وصاحب «م.» إلى هو يبقى أخويا من أم ثانية.
س: منذ متي وانت على صله بالمتهم ك.؟
ج: انا اعرفه من زمان عشان هو جاري
س: هل انت بالمعتاد ارتكاب جرائم السرقة؟
ج: لا
س: ومن هو شخص المخطط لارتكاب الواقعه محل التحقيق؟
ج: هو اخويا بالاشتراك مع واحد اسمه ي.
س: وما هو اسم وكافة بيانت المدعو ي. سالف الذكر؟
ج: انا إلى اعرفه عنه أن اسمه ي. وبيشتغل قواد.
س: وما هي صله المدعو ي. سالف الذكر بشقيقك المدعو م.؟
ج: هما يعرفوا بعض عن طريق الانترنت.
س: وكيف تبادر إلى ذهن شقيقك تفاصيل الخطه المتفق عليها بالارتكاب الواقية محل التحقيق؟
ج: أنا إلى عرفت منه هو اتفق مع ي. على الفكره، لان ي. ليه زبان وقاعدها على فلوس كتير فاتفق مع م. انه يبعتله زباين واحنا نسرقهم ونقسم الفلوس معاه
س: اذكر لنا الاتفاق الحاصل فيما بينك وبين كلا من المتهمان ك. وم.؟
ج: هو الاتفاق أن م. هيجبلنا زباين وهيطلع بيه البيت بتاع ك. وبمجرد ما يطلع بالراجل نضربه ونسرقه بالإكراه.
س: وما هي كيفية تعديكم على المجني عليه بالضرب؟
ج: احنا ضربناه بايدينا وزقيناه على الأرض.
س: هل ألحقت بسالف الذكر ثمة إصابات جراء تعديكم عليه بالضرب؟
ج: لا إحنا معورنهوش.
س: وهل قام المجني عليه آنذاك بمحاوله رد الاعتداء الواقع عليه؟
ج :لا
من: وما الذي حال دون ذلك؟
ج :علشان احنا كنا كتير عليه ومكنش هيقدر يضربنا.
س: ما هي كيفيه احتجاركم للمجني عليه ح. م. ب.؟
ج: احنا زقيناه على الأوضة أول ما دخل الشقه وقفلنا ووقعناه على الأرض
س: وهل توجد بالعين محل الواقعه ثمة منافذ أخرى للدلوف اليها والخروج منها؟
ج :لا
س: وما هي كيفية قيامكم بسرقه المجني عليه ح. م. ب؟
ج: احنا زقيناه ووقعناه على الأرض وكان معاه شنطه اخذناها منه.
س: صف لنا المسروقات؟
ج: هي عباره عن شنطه يد بلاستيك كان فيها اربعه الاف جنيه وتلات تليفونات وكان من ضمن التليفونات فيه تليفون عليه محفظه الكترونيه اخدنا منها الفلوس اللي فيها وكنه حوالي ثلاثمائه جنيه وطلبنا منه يحضر لنا عشر الاف جنيه علشان نمشيه وسبناه يتكلم في التليفون لحد ما عرف يحولنا المبلغ على الفودافون كاش.
س: وما هي كيفية استحصالكم على تلك المبالغ من المحفظة الالكترونية؟
ج: هو يعتلنا على رقم تليفون بتاع اخويا م. .
س: وما هو رقم ذلك الواقف تحديدًا؟
ج: انا معرفهوش
س: وما الذي بدر منكم طلب ارتكابكم لتلك الوقائع القائد؟
ج: احنا خلصنا معاه وم. وك. الحدود على الموتوسكل وطالعوا بيه على الموقف وركبوه من هناك ومشيوا.
س: وما هو سبب قيامهم بنقل المجني عليه من محل الواقعة إلى موقف المكروباص سالف الذكر؟
ج: علشان يتوهوه عن المكان اللي حصل فيه السرقة.
س: وهل تقاسمتم فيها بينكم أرباح العمليه؟
ج: ايوه.
س: وما هي حصتك من تلك العمليه تحديدًا؟
ج: الف جنيه.
س: وأين هي متحصلات تلك السرقة الآن؟
ج: انا صرفتها.
م: وما هو قصدك من الاتيان بتلك الأفعال قبل المجني عليه ح. م. ب.؟
ج: انا كان قصدي استدرج ح. م. لحد البيت ونضربه علشان نسرقه بالاكراه وتحجزه جوه البيت لحد ما يجيب كل اللي معاه
س: انت متهم بخطف المجني عليه ح. م. ب. بطريق التحايل (...)؟
ج: أيوه حصل وانا غلطان
س: أنت متهم بسرقة المنقولات المبيته وصفًا وقيمه بالأوراق والمملوكة للمجني عليه ح. م. ب. كرهاً عنه وذلك بالاشتراك مع كلاً من المتهمين ك.و م. بأن قمتم بالتعدي عليه بالضرب والاطاحه به ارضاً وتمكنتم من تلك الوسيله القسريه من شل مقاومته والاستيلاء عليها وذلك على النحو المبين بالتحقيقات؟
ج: أيوة حصل وانا غلطان.
س: اذكر لنا دورك ودور كلاً من المتهمين كلاً من ك.و م. في الاتفاق الحاصل فيما بينكما؟
ج: هو كان دور ي. الله يجيب لينا زبان وم. يستقبلهم من عند سنترال دار السلام وتجيبهم للشقه اللي ك. موفرها ودوري انا وك. تكون مستنين في الشقه ومجرد ما الشخص يدخل محبسه في الشقه ونضربه وتسرقه بالإكراه.
س: ما هي كيفية استدراجكم للمجني عليه ح. م. ب ع.؟
ج: كان دور ي. الله يعمل اعلان على الانترنت بان في جلسات مساج وإن احنا عندنا مركز وهو مجرد ما أي عميل يكلمه بيبعته علينا وكان الشيخ ح. كلم ي. وقاله انه عاوز يعمل جلسة فبعته على سنترال دار السلام وهناك م. اخويا استقبله واحده على الشقه بتاعت ك. وانا وك. كنا مستنين في الشقه ويتجرد ما دخل دخلناه الأوضه وضربناه ووقعناء على الأرض واخدنا منه الشنطه وسرقنا الحاجه اللي فيها وبعد كده خدوه ومشيوا.
س: وما هو الاتفاق الذي تم فيها بين المجني عليه والمتهم سالف الذكر؟
ج: الشيخ ح. اتفق معاه على انه يعمل جلسه مساج عاديه.
س: من هو القائم بالتقابل مع المجني عليه ح. م. ب آنذاك؟
ج: اخويا م..
س: وما هي وسيلة الانتقال تحديداً التي استقلها كلاً من المجني عليه وشقيقك المتهم م. ش. م.؟
ج: هما كانوا راكبين الموتوسكل بتاع اخويا
س: هي مواصفات تلك الدراجة النارية وأرقام لوحاتها على وجه الدقة؟
ج هو موتوسكل ماركة بوكسر وملوش نِمر.
س: ومن أين استحصل عليها شقيقك سالف الذكر؟
ج: هي بتاعته وشاريها ومش مرخصة.
س: وما هو الطريق الذي سلكه شقيقك سالف الذكر للوصول إلى العين محل الواقعة؟
ج: هما خدوا طريق شارع الفيوم ووصل بيه على البيت.
س: وما هي المسافة والمده المستفرقه من مكان التقابل «سنترال دار السلام» والعين محل الواقعة؟
ج: هي مسافه عشر دقايق بالمكنه لكن معرفش المسافة بالظبط لكنها قريبة.
س: وما هي الاستعدادات التي اتخلقوها لارتكاب الواقعة محل التحقيق؟
ج: إحنا كنا مستنين في الشقة أنا و ك. لحد ما م. يطلعلنا الشيخ ح. لكن مكناش مجهزين أي اسلحه أو أدوات علشان مكنتش مستاهلة لان عددنا كبير وتقدر تتكاتل عليه وتمسكه نشريه.
س: صف لنا العين محل الواقعه على وجه الدقه؟
ج: هي عباره عن أوضتين وحمام على الشمال وصاله في الوش ومطبخ على اليمين وتعملها حوالي خمسين متر.
س: ما هي كيفية دلوف المجني عليه إلى العين محل الواقعة؟
ج: م. خبط على باب الشقه بمجرد وصوله وك. ف. ب.
س: هل كان اياً منكم حائراً أو محرزاً لقمة اسلحه أو أدوات استخدمتوها في الواقعه محل التحقيق؟
ج: لا مكنش معانا حاجه.
س: هل شارككم في ارتكاب الواقعه ثمة شخص آخر؟
استعان المحرر بصورة تعبيرية لشخص مقيد في كرسي للتعبير عن واقعة الخطف دون الإشارة إلى مصدرها، وهو انتهاك لحقوق الملكية الفكرية، بينما باقي الصور فهي خاصة للجريدة والتي حصل المحرر عليها.
أشار المحرر إلى أن المصدر هو النيابة العامة، والتي حصل عن طريقها على نص تحقيقاتها مع المتهمين.
فحص فريق أخبار ميتر الخبر، ولم يجد عبارات تشير إلى خلط بين المعلومات والتعليق.
