على طريقة حبيبة الشماع.. فتاة تروي تفاصيل محاولة خطفها على يد سائق أحد تطبيقات النقل الذكي : رش حاجة غريبة

نشرت فتاة تدعى حبيبة محمد علي منشورًا على موقع التواصل الاجتماعي فيسبوك تكشف فيه محاولة خطفها على يد سائق أحد تطبيقات النقل الذكي، حال طلبها التوصيل لإحدى المناطق، حيث زعمت تعرضها للتخدير المؤقت، وسرعان ما فرت هاربة منه على الطريق الصحراوي وبادرت بالصراخ وفر السائق هاربا، حسب المنشور المشار إليه.

فتاة تروي تفاصيل محاولة خطفها على يد سائق إندرايف

وقالت حبيبة محمد فتاة في منشورها: أنا مصدقتش إني ممكن أتحط في الموقف دا في يوم من الأيام بس إمبارح وأنا راجعة من الشغل طلبت ومن ساعة ما طلبت وهو كان غريب وقالي ربع ساعة وهجيلك وهوا كان على gps قريب جدا.

وأضافت فتاة في منشورها: ومن ساعة ماركبت وهوا مش مظبوط وعمال يعمل حاجات غريبة وكان بيكلم ناس غريبة ومتابع مع واحد في الموبايل يقوله أنا دخلت كذا قابلني في الحتة دي، ومتأكدة إنه كان شارب حاجة وكان مش مظبوط.

محاولة خطف فتاة علي يد سائق أحد تطبيقات النقل الذكي

وأكملت الفتاة في منشورها: قفل كل الشبابيك أول مطلعنا في طريق الصحراوي وفضل مطلع راسه من الشباك اللي جنبه الوحيد اللي سايبه مفتوح، وأنا متأكدة إنه رش حاجة في العربية عشان كان فيه ريحة غريبة جدا، وأنا كنت ابتديت أدوخ ووشي كله نمل ومكنتش شايفة كويس واتصرفت بسرعة وفتحت الباب، وهوا ماشي وقعدت أزعق وقولتله ينزلني وإني عاملة شير لوكيشن لبابايا، ونزلت جريت على الطريق وهوا اتوتر ومشي.

وأوضحت الفتاة في منشورها: هو اسمه اللي على الأبليكيشن غير اسمه اللي علي get contact وحذرت الفتاة متابعيها من الركوب رفقة ذلك السائق حفاظا على سلامتهم قائلة: خلوا بالكو محدش يركب معاه، وهوا طلع مبدأش الرحلة أصلا أنا نفسي أفضحه عشان حرام بنت تتحط في نفس الموقف المرعب دا.

حذف فريق أخبار ميتر اسم شركة تطبيق النقل الذكي لعدم التشهير بها