لقاء الخميسي: أنا مع الديانة الإبراهيمية والمسلم زي اليهودي والمسيحي (فيديو)

لقاء الخميسي، حسمت الفنانة لقاء الخميسي، الجدل بشأن ما أثير عن ديانتها، مؤكدة: "أبويا مسلم فأنا مسلمة وأنا أسلمت قلبي لله ولكن أمي مسيحية".

العلاقة بين العبد وربه

 وأضافت خلال لقائها ببرنامج "أسرار" الذي تقدمه الإعلامية أميرة بدر بقناة "النهار":"كل واحد جواه ربنا مفيش حد مش جواه ربنا، شايف ربنا إزاي أو معتنق ديانة أيه دي تخص كل إنسان مش أي شخص آخر".

الفيديو هنا.

منطق الديانات

 وتابعت:"كل الديانات المسيحية واليهودية والإسلام بيتكلموا بنفس المنطق، وكل معتنقي هذه الديانات بتعرف ربنا".

أم لقاء الخميسي المسيحية وابيها المسلم

وأوضحت لقاء الخميسي: "أتربيت في بيت والدتي مسيحية ووالدي مسلم بس أمي عمرها ما دخلتنا في القصة دي، ومكنش فيه فرق بين والدي المسلم وأمي المسيحية، إنسان وإنسانة والاتنين بيعبدا ربنا وأمي كانت بتصوم معانا رمضان مع إنها مش مضطرة لذلك، وكانت بتصحينا نصلي الفجر وكانت بتصلي لربنا بطريقتها، وأنا روحت معاها مرات كتيرة الكنيسة وصليت جوا الكنيسة، هي نفس الصلاة بس الطقس المختلف بس بندعي ربنا هنا في الكنيسة وفي المسجد".

قراءة لقاء الخميسي في الأديان

وواصلت: "أنا شايفة أن المسلم زي اليهودي زي المسيحي، وكل واحد عنده أفكاره أتربي إزاي وقرأ إزاي وقرأ ايه وأنا قرأت كتير في الدين والتاريخ، بس الطبيعي إني تطلعي مسلمة أي أنها أسلمت قلبها للإله والمسيحي مسلم طبعا لإنه أسلم قلبه للإله، سلمت قلبي لربنا يعني".

الديانة الإبراهيمية

وأكدت:"أنا مع الديانة الإبراهيمية اللي دار الحديث عن تطبيقها أو وجودها، والدين يتحدث عن الله والله واحد مفيش غيره، وسيدنا إبراهيم هو الأساس، والثلاث ديانات زي بعض، وقبل ما يبقى فيه إسلام في مصر كانت البلد مسيحية وقبلها كانت يهودية وبعدين دخل عمرو بن العاص مصر بقت إسلامية".