بصورة التحليل.. بسمة تعلن شفائها من فيروس كورونا: ألف حمد وشكر يا رب

 أعلنت الفنانة بسمة، شفائها التام من فيروس كورونا، عبر حسابها على موقع التواصل الاجتماعي فيسبوك,

 ودوّنت بسمة: "الحمدلله، تحولت نتيجة تحليلي للسلبية، شكرًا لكل الناس اللي سألوا علي وحسسوني بكل الحب والمساندة، الشكر الكبير لأمي نوال درويش على كل اللي عملته وبتعمله لينا، ألف حمد وشكر لك يا رب، يا رب اشفي كل مريض وهون علينا جميعًا".

وكانت بسمة، أعلنت منذ أيام عبر فيسبوك إصابتها بكورونا فور عودتها من مهرجان الجونة وكتبت وقتها عبر فيسبوك: "بقالي أزيد من أسبوع معزولة لأن نتيجة تحليلي كانت إيجابية، الحمد لله تقريبًا مفيش أعراض، أول ما عرفت بلغت الأشخاص اللي خالطتهم، وهم بدورهم أجروا التحليل، مفكرتش أكتب بوست على السوشيال ميديا لأني فعليًا أعلنت للأشخاص المحيطين بيا، وده يكفي بشدة، بكتب دلوقتي البوست ده عشان أشكر كل الناس اللي سألوا عليا، بإذن الله قريب جدًا نتيجتي تتحول للسلبية، شكرًا للجميع".

 وبعدها بيوم واحد فقط، نشرت بسمة منشورًا ثانيًا، تلوم فيه نفسها على عدم ارتدائها الكمامة، قائلة: "للتوضيح بس، مكنتش أفضل إنّي أعلن عن موضوع الكورونا ده عبر السوشيال ميديا، مش لأي سبب غير لإني عارفة كمية اللغط اللي أخبار زي دي هتعمله، والقيل والقال".

 وتابعت: "الحقيقة أنا مبلومش غير روحي في الموضوع ده، لأني واضح إني أهملت في لبس الكمامة، ودي غلطتي مبلومش عليها حد، اتعلمت الدرس، واتعلمت اهمية الاجراءات الاحترازية، كمان شكر واجب لوزارة الصحة، وصلتني عن طريق الزميلة والصديقة بشرى رسالة منهم بيعرضوا مساعدتهم بالتحاليل والأدوية، ودي حاجة تطمن جدا، ألف شكر غير كدة بقى، أنا قاعدة مستنية نص الأسبوع بفارغ الصبر عشان أبدا أعمل تحاليل جديدة، وتطلع سلبية بإذن الله