إصابة الفنانة عبلة كامل بالسرطان

12/11/2020 
5 min read
Article Author: AkhbarMeter 
Category: Fake News
إصابة الفنانة عبلة كامل بالسرطان

تخيل نفسك عايش وتتمتع بصحة جيدة وتتفاجأ بخبر إصابتك بمرض السرطان وأنك في مراحله الأخيرة.

ده اللي حصل مع الفنانة الكبيرة عبلة كامل اللي انتشر من يومين أخبار عن إصابتها بالسرطان وأنها في المرحلة الأخيرة من المرض.

الإشاعات دي نفاها زوجها الأسبق الفنان أحمد كمال وابنتها زينب كمال والكاتب بلال فضل.

وده جزء من اللي كتبه بلال فضل على صفحته الرسمية الفيسبوك " الفنانة الكبيرة الأستاذة عبلة كامل طلبت مني أوصّل الرسالة دي لعلها توصل لأي حد بينشر إشاعات عن حياتها وصحتها: "عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب".

وقال زوجها الأسبق أحمد كمال على حسابه على الفيسبوك "الفنانة عبلة كامل بصحة جيدة، وما تردد عن حالتها الصحية اليوم، كذب وخداع ورغبة في تحقيق مكاسب رخيصة، علي حساب فنانة كبيرة".

هنلاقي إشاعات كتيرة مش بس عن مرض شخص، بتوصل في بعض الأحيان لوفاة شخص وهو على قيد الحياة أو العكس أخبار عن إحياء الشخص وهو متوفي زي ما حصل مع ستيف جوبز مؤسس شركة أبل.

أخبار كتير منتشرة حوالينا ولكن بعضها مش صحيح ومفبرك وبتسبب أذى نفسي وأحيانا مادي واجتماعي للأشخاص.. تحقق وابحث قبل ما تصدق أي خبر وتشاركه مع غيرك.

تابعوا البوست القادم علشان تعرفوا إيه اللي حصل مع ستيف جوبز.

مصدر الصورة: مسلسل سلسال الدم إنتاج أوسكار للتسجيلات الفنية والذي تم عرضه على قناة إم بي سي مصر.

مصادر 

https://bit.ly/36lITRs

 

Related topics

Topics that are related to this one

Want accurate news and updates?
Sign up for our newsletter to stay up on top of everyday news.
We care about the protection of your data. Read our Privacy Policy