ردا على إثيوبيا.. رحلة مياه النيل في طائرة

نشر البعض على مواقع التواصل الاجتماعي في نهاية شهر يونيو مقطع فيديو بيظهر فيه طيار يركب طيارة ويصب مياه في كوب ويشربها.

بدأ الناس يشاركوا الفيديو ويقولوا أن ده رد على الفيديوهات اللي بدأ ينشرها بعض الإثيوبيين للسخرية والترويج لفكرة أنهم ممكن يمنعوا حصة مصر من مياه النيل، وانتشرت الفيديوهات على مواقع التواصل الاجتماعي.

الحقيقة 

الطيار اللي ظهر في الفيديو مش مصري، والفيديو منشور عام 2016 على قناة اليوتيوب Linkerius بعنوان "المياه مقابل الجاذبية"، وهي قناة لشخص مكسيكي مغامر اسمه لينك وينشر قصص مغامراته المختلفة في البحر والجو والأرض من خلال القناة دي على اليوتيوب.

تم أخذ المقطع ده وتداولوه على أنه رد المصريين على الإثيوبيين، وبعضهم وضع عليه علم مصر وجملة "بالحب من مصر".

مش أي حاجة تشوفها حتى لو فيديو تصدقه.. فكر وحلل وتابعنا علشان تعرف الحقيقة 

© الفيديو من قناة Linkerius

مصادر

https://bit.ly/3iLZeUY
https://bit.ly/2Coq5FJ
https://bit.ly/31Z3XMZ
https://bit.ly/2AMloW0
https://bit.ly/30424fr
https://bit.ly/2VZwWfK