حكاية جوة صورة

Published on : 09/08/2020 Updated on: 06/05/2025 16:05:06 Classification: Media Ethics

ايه أكتر صورة شوفتها وأثرت فيك؟ وكان مين صاحبها؟

جوة كل صورة حكاية بينقلها المصور ويخليك تعيشها بكل تفاصيلها.. وبياخدك معاه لعالم تاني تستكشف خلاله تجارب مختلفة.. صورة واحدة ممكن تكفي أنها تعبر عن حاجات كتير ومشاعر وقصص صعب ينقلها القلم.

وعلشان المصور يعمل ده بيبذل مجهود وفي بعض الأحيان ممكن يعرض نفسه للخطر زي المصورين الصحفيين اللي بيكونوا في قلب الحدث علشان ينقلوا للجمهور تفاصيل المشهد ويستخدموا رؤيتهم الإبداعية علشان يلتقطوا مشاهد بتعكس الواقع.

مع التطور التكنولوجي وتوسع استخدام الإنترنت.. بدأ بعض الناس يشاركوا الصور الموجودة من غير ما يذكروا اسم المصور صاحب الصورة.. واللي لولاه الصورة مش هتكون موجودة.

للأسف استخدام البعض أي صورة من على الإنترنت لأي سبب حتى ولو مجرد مشاركتها مع الأصدقاء من غير ذكر صاحب الصورة، يعتبر خطأ في حق المصور وانتهاك لحقوق ملكيته وفق منهجية أخبار ميتر لتقييم المحتوى الإعلامي، إلا لو كان مستخدم تصريح المشاع الإبداعي (وده تصريح بيسمح للناس استخدام الصور والأعمال الفنية بشروط معينة من غير التعرض للمساءلة القانونية).

إيه عواقب نشر الصور من غير ذكر صاحبها

وفقا لشركة جوجل في حالة تقديم بلاغ للشركة يحق لها تعطيل الوصول إلى المحتوى اللي ينتهك قانون حقوق الطبع والنشر، وهيتم إزالة المحتوى وممكن يحصل على مخالفة.

مش بس كده، يحق لمالك الصورة رفع دعوى ضد الانتهاك، على سبيل المثال في الولايات المتحدة، يؤدي انتهاك حقوق الطبع والنشر إلى دفع تعويضات قانونية تصل قيمتها إلى 150 ألف دولار لكل عمل تم انتهاكه وده ممكن يتسبب في بعض الحالات لعقوبات جنائية.

ايه الحل لأننا بنحتاج صور كتير في الشغل أو تقديم بحث

لازم تذكر صاحب الصورة وممكن تستخدم علامة © وتكتب جنبها الاسم، ولو عرفت إنك توصله وتستأذنه هيكون أفضل، مينفش تكتب "تصوير آخرون" لازم أحدد اسم الشخص، وحاجة مهمة لازم تاخد بالك منها مينفعش تعدل في الصورة من غير إذن صاحبها.

فيه بعض المواقع اللي بتتيح آلاف الصور المجانية وبجودة عالية ممكن تستخدمها. (لينك المواقع في أول كومنت).

وبكده تقدر تنشر الصور وبجودة عالية وتستخدمها من غير ما تقع في خطأ انتهاك الملكية.

شارك في دعم الإبداع وشير المعلومة مع غيرك وخليه يستفيد واعمل تاج لأصحابك

مصادر

https://rb.gy/uakwzq
https://www.saip.gov.sa/ar/
https://bit.ly/3fGNHn3

Conclusion

الصورة مش مجرد لقطة، دي حكاية ومشاعر وتجربة كاملة بيحاول المصور ينقلها لينا من خلال عدسته. علشان كده، احترام حقوق المصور واجب، وماينفعش نستخدم صورة من غير ما نذكر اسم صاحبها أو نأخذ إذن منه، لأن ده بيعتبر انتهاك لحقوق الملكية وبيعرّضنا لمسؤولية قانونية. الحل بسيط: استخدم مواقع الصور المجانية أو اذكر اسم المصور.

دينا إبراهيم (المديرة التنفيذية)

تمتلك مديرة المرصد خبرة متميزة في الصحافة تتجاوز 17 عامًا، إلى جانب أكثر من سبع سنوات في مجال الر...

Correction policies

The Akhbarmeter team provides a space for stakeholders and the public to respond to information contained in the fact-checking process and correct it with complete transparency. You can contact us via our email at [email protected]. The team will also undertake to make the necessary corrections as soon as possible once the information is confirmed and accepted. Apply here