من صاحب صورة مولد السيد البدوي بطنطا؟

تعرف مين صاحب الصورة دي؟

في مولد السيد البدوي بطنطا عام 2017 التقط بعدسته المشهد الرائع اللي بيعكس فرحة أم بابنها في احتفلات المولد وكأنها لوحة مرسومة بألوان من الطبيعة.

تمكن المصور محمد الدر بموهبته ونظرته الإبداعية من التقاط مشهد تلقائي عفوي جسد معاني كتيرة من البساطة والسعادة والفرحة والتراث.. كانت معالم البساطة مالية الطفل وهو بيرقص على مزامير وطبول المولد، واللي بتعتبر بالنسبة لكتير مننا أحد مفاتيح السعادة والبهجة.

للأسف بعد المجهود المبذول من المصور محمد الدر، شاركت بعض الصفحات والجروبات الصورة من غير ما تذكر اسم محمد الدر، وده يعتبر انتهاك لحقوق ملكيته للصورة. وأشيع أن الطفل اللي بيرقص في الصورة مريض سرطان وده كلام غير صحيح. وفق لحديث محمد الدر مع أخبار ميتر.

عبر الدر عن استياءه من اللي حصل واتمنى لو أن الناس تعرف أنه هو صاحب الصورة.

لو شوفت الصورة دي في مكان عرف الناس بصاحبها وساهم أنه يسترد حقه.

متشاركش أي صورة إلا لما تذكر صاحبها علشان تحافظ على حقوقه والمجهود اللي بذله علشان ينقل لنا بعدسته أحداث ومشاعر مختلفة، ويخليك تسافر بصوره لأماكن مختلفة وأنت في مكانك.

مصادر