El Watan News
89%
Accuracy rank

أقدم سجين في مصر: «قتلت تلاتة.. بس عشمان فى كرم ربنا وحنّيته»

أقدم سجين في مصر: «قتلت تلاتة.. بس عشمان فى كرم ربنا وحنّيته»
روى كمال ثابت أقدم سجين في مصر، الظروف الصعبة التي مرّ بها عقب وفاة والدته التي داومت خلال فترة حبسه على زيارته في كل السجون التي ارتادها.

وقال: الدنيا ضلّمت فى وشى بعد ما جالى خبر وفاة أمى.. قفلت عليّا باب الزنزانة.. أفتكر يومها كنت وحدى فى تأديب أو انفرادى.. المهم ربطت هدوم على هيئة حبل.. وربطته فى شباك الزنزانة كويس.. وجبت «جردل».. وحطيت فوق الجردل مخدتين.. ولفيت الحبل حول رقبتى.. وطلعت فوق الجردل والمخدتين.. خلاص أنا عايز إيه تانى من الدنيا.. أبويا اتقتل وخدت تاره.. وعمى اتقتل وخدت تاره.. وجدى مات.. وأمى ماتت.. وكل اللى أعرفهم ماتوا.. حتى الأمل (الواد شحات) اللى كنت بعامله زى ولدى مات.. المهم فجأة كده لقيت الباب بيخبّط.. ولقيت عسكرى سهران بيقول يا عم كمال.. عايز عودين كبريت.. وبص لقى المشنقة.. وقال لى ليه يا عم كمال.. استهدى بالله.. أنت راجل كبير وصبرت كتير.. استحمل شوية.. ونادى على مسجون كان غالى عليّا.. وقال له شوف «كمال» هيموّت نفسه.. المسجون ده زعق فيّا جامد.. وقال لى فيه إيه.. كل اللى نعرفهم ماتوا.. واللى عايش منهم هيموت.. أمنا ماتت.. وأبونا مات.. انشف يا «كمال».. بلاش التفكير ده آدينا مصبّرين بعض.. لحد ما السنين بتاعتنا تعدّى ونطلع من هنا.. استغفرت ربنا.. وماكنتش باصلى.. كنت كل ما أصلى وأركع أنسى.. وأسأل نفسى أنا ركعت مرة ولا اتنين ولا تلاتة.. وبطّلت.. لكن وعدت ربنا إنى هاصلى من أول ما خرجت.. وهاروح الجامع.. وبالنسبة للقتل أنا اتعاقبت فى الدنيا.. وأطلب من ربنا السماح فى الآخرة وهو غفور رحيم.. وهو أكتر واحد حاسس بعباده وشافنى وأنا مرمى فى السجن حوالى 46 سنة كاملين.. وأنا عشمان فى كرم ربنا وحنّيته.
Reviewer's Comment
كان ينبغي الالتزام باللغة العربية قدر الإمكان حيث بدى العنوان مبتذلا. كان ينبغي على المحرر إضافة المزيد من التفاصيل عن السجين وعدم الاكتفاء بسرد جزء مقتطع من تقرير يفصله يوم عن التقرير الأصلي دون الخروج بفكرة أو اثنتين واضحتين.
Journalist's Comment
No Comment
Our detailed review
Does the author differentiate between his\her own comments and the presented news?
فصل التعليق
Does the author refer to the source of the images used in the article clearly?
نسب الصور لمصدرها
Did the editor refer to the sources of the information used in the article?
ذكر مصدر المعلومات
Resource Links
The article was copied from El Watan News 2018-12-11 07:34:05 View original article
Rating and Reviews
Single opinion
Human Rights
Accurate
100%
Credibility
Single opinion
80%
Professionalism
Accurate
71%
Want accurate news and updates?
Sign up for our newsletter to stay up on top of everyday news.
We care about the protection of your data. Read our Privacy Policy