في شم النسيم.. البصل الأخضر والخس والليمون ملوك أسواق القاهرة (فيتشر)

منذ ساعات الظهيرة في سوق شبرا بشارع مسرة في القاهرة، توافد العشرات من المواطنين على بائعي البصل الأخضر والخس والليمون، فلا يخلو الممر الطويل الواصل بين السوق والشارع الرئيسي من أيادِ تحمل أكياس الليمون وتتأبط لفة البصل والخس. "السوق كله بيتشقلب حاله في اليومين دول.. كل بيبيع خضراوات سواء طماطم أو خيار أو باذنجان بيحولوا الفرشة تمامًا لبصل وخس وليمون".. هكذا قال محمد صاحب فرشة الخس بمدخل السوق.. "أعواد البصل الأخضر بجوار بعضها، نحو 300 رابطة هي مخزون البصل ليومي الأحد والإثنين "شم النسيم". ويضيف محمد الذي يفترش المكان منذ خمس سنوات: "أنا في العادي بجيب 50 لفة طول السنة، لأن طول السنة مفيش أي حد بيشتريه، وببيع الرابطة بتكون مليانة بـ3 جنيهات، أما في شم النسيم بشتري جملة 300 رابطة وببيع الواحدة بـ5 جنيهات، بس بتكون حجمها صغير، موسم بقى!". أما الخس الذي لا تخلو مائدة شم النسيم منه عقب وليمة الفسيخ والرنجة والبصل وما يتبع ذلك من حالة الخمول والراحة، التي تحتاج بعضًا من الانتعاش، فلا يجد المصري مناصًا من تناول بعض أوراق الخس، "الخس موسمه الأيام دي ببيع الثلاثة بـ5 جنيهات، والجرجير كمان الحزمة في العادي 25 قرشا، وفي شم النسيم 50 قرشا" كما يقول محمد. وفي داخل السوق يجلس الصعيدي عم أحمد بائع الليمون والملانة "حمص الشام أخضر"، ينادي على الليمون بسعر 12 جنيها و15 جنيها.. "الليمون بعشرة جنيهات من النهاردة الصبح وبكرة الإثنين بيزيد السعر، جبنا كتير والحمد لله في أول ساعتين بيعنا فوق العشرين كيلو، في العادي الليمون رخيص لكن مفيش إقبال عليه"، أما الملانة التي لا تظهر إلا في أيام شم النسيم فبلغ سعرها هذا العام 12 جنيها للكيلو "الملانة مش بتتباع إلا اليومين دول بس بتيجي من دمياط والبحيرة وكفر الشيخ". وعند محطة مترو مسرة، جاءت منذ السابعة صباحًا، بآنية التوت، توت أحمر وأبيض، سيدة ذات ملامح ريفية بسيطة من إحدى قرى شبين القناطر.. "فيه جنينة بقالنا سنين متفقين مع صاحبها بناخد منه الكمية وننزل قبل شم النسيم بأسبوع ولحد بعده بكام يوم الكيلو بـ25 جنيها، كان بـ20 جنيها السنة اللي فاتت، التوت لا يعهده الشارع المصري إلا في هذه الأيام، الجميع يأتي لشراء التوت الأحمر بصحبة أطفالهم"