نص أقوال المتهمين الثانى والثالث بواقعة سحر مؤمن زكريا.. مستندات

ينشر "اليوم السابع"، أقوال المتهمين الثاني والثالث، فى واقعة إيهام اللاعب مؤمن زكريا بالعثور على أعمال سحر خاصة به، أمام مدفن بمنطقة الخليفة.

وإلى نص التحقيقات مع المتهم م.ع، رقم 2 بأمر الإحالة ..

س: ما قولك فيما هو منسوب إليك من أنك معهم وآخرين بإذاعة أخبار وإشاعات كاذبة عمدا بقصد تكدير الأمن العام وإلقاء الرعب بين الناس وإلحاق الضرر بالمصلحة العامة على النحو المبين بالأوراق؟ 

ج: محصلش

 س: ما الذي حدث إذا وما هي ظروف ضبطك وعرضك علينا؟ 

ج اللي حصل أن تقريبا الأربعة اللى قبل اللى فات في مقابر عيلة مراتى "أ" في الإمام الشافعي الخليفة رحت أجيب مراتی لقیت "ر" ابن خالها بيحفر عشان يطلع صبارة عند الترب وهو بيفحت بالخشبة لقى كيس أسود فطلعه، وقالی افتح صور فيديو ده عمل، وأنا فتحت الكاميرا بتاعة موبايلي وصورت، ولقيت العمل عبارة عن لفتين ورق مربوطين بسلك وقماشة رسمة العروسة عليها دبابيس وحاجات كتير ومكتوب عليها حاجات كتير وصورة كابتن "ر"، وقالي تعالى نروح نجیب جرادل ميه عشان نبطل العمل، وجاب جردل ميه وملح وجردل تاني فيه ميه، قعد يقرا عليها قرآن، وقالي صور فيديو وصورت فيديو، وقفلت كلمنا ابتسام مرات محمد إمام وشهرته زيكا، فجت هي و زیکا وساعتها زيكا قال إنه يعرف "م" ابن خالة مرات مؤمن زكريا وكلموه، وبعدين قالى إنه هيكلم كابتن مؤمن، وبعدين هيكلمو وبعدها "م" جه على القرافة وريناله الحاجة، وبعدين قالى إن تليفوناتهم مقفولة، وأول ما تعرف توصلهم هنوصلهم، وبعدها بساعتين كلم زيكا وقالهم إنهم في إسكندرية وجايين بعد يومين، وبعد يومين چه کابتن مؤمن ومعاه أشخاص و2 شيوخ، والشيوخ نزلت أبطلت العمل وقروا قرآن، وبعد كدة كابتن مؤمن مشي، ورمضان عرف اللي حصل لواحد صاحبه اسمه مودي، ومودي ده كلم صحفي وسجل لـ"ر" ومقلوش أنه صحفي، و قاله إنه أخو مودي، وعرف اللي حصل ونشر من ورا رمضان، ويوم السبت الساعة ٧.٣٠ بالليل لقيت "ر" بيكلمني وبيقولي إن أحمد بيه الكردي عايزني عند بيته وروحنا لريهام سعيد الساعة 10 بالليل في الإنتاج الإعلامي، وبعد كده روحنا القسم وده اللي حصل.

وجاءت أقوال المتهمة الثانية بأمر الإحالة المتهمة "أ.ك"...

س: ما الذي حدث إذا وما هي ظروف ضبطك وعرضك علينا؟ 

ج اللي حصل ان رمضان ابن خالى تربى في مقابر سيدى عقبة من فترة لقى أعمال سحر وكان تقريبا يوم ١٤, او ١٥ / ٢٠٢٤/٩ - في ترب هو مشرف عليها وكانت خاصة بالكابتن مجدى عبدالغنى وبعدها كابتن مؤمن زكريا جه هو وشيوخ وفكو الأعمال ديه وبعدها "ر" حكى الموضوع ده لصيدلى اسمه "م.ز" والموضوع ساعتها انتشر في المنطقة وبعد كده "ب" أخت "ر" بعتت لمحمد مدير أعمال المذيعة ريهام سعيد وحكيتلها على الموضوع بتاع الأعمال بتاع كابتن مؤمن زكريا، وقالتها أنا ممكن اطلع مع المذيعة ريهام سعيد واحكى الموضوع بتاع كابتن مؤمن زكريا مقابل أنى أخد 100 ألف جنيه، وبعدين يوم السبت اللى فات كنت قاعدة أنا و "ب" لقينا تليفون "ب" بيرن ردت ولقت "ر" أخوها بيقولها إن الحكومة أخدته وأنهم بيدورو علينا، ساعتها أنا و"ب" اتصلنا بمدير أعمال ريهام سعيد وقلتلها عاوزين نطلع مع ريهام سعيد عشان نبرأ نفسنا، وبعدها أنا رحت أنا وبسمة وجوزى محمد عمر وحكيم على مدينة الإنتاج الإعلامى، وبعدين رحنا القسم يوم السبت الساعة ١١.٣٠ بالليل واتعرضنا النهاردة على النيابة وهو ده كل اللي حصل.   

قام فريق أخبار ميتر بإزالة أسماء المتهمين حتى لا يكون هناك انتهاك لخصوصية الأفراد