عصام صاصا: أنا موجود في الشارع أكتر من ويجز.. وانبسطت لما أرقامي عدت عمرو دياب ومحمد رمضان
كشف مطرب المهرجانات عصام صاصا أرباحه الحقيقية من موقع الفيديوهات الشهير يوتيوب، وسر تفوقه على الهضبة عمرو دياب، موضحًا سبب نجاح محمد رمضان.
وقال عصام صاصا، في تصريحات تليفزيونية: لما أرقامي على اليوتيوب والمنصات عدت عمرو دياب ومحمد رمضان متغرتش ولكن انبسطت.
عصام صاصا: عمري ما حسيت أنا ناجح قد إيه
وأضاف عصام صاصا: عمري في حياتي ما حسيت ولا أعرف أنا ناجح قد إيه، مدير أعمالي معاذ اللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي.
واستكمل عصام صاصا: بكسب من الفيديوهات على اليوتيوب، اللي بيقولك مش بيكسب يبقى بيضحك عليكم، أنا بكسب ولكن مش اللي في خيال الناس.
عصام صاصا: الناس فاكرة إني بكسب مليارات من على اليوتيوب
وواصل عصام صاصا: الناس فاكرة إني بكسب مليارات مفيش الكلام ده.. أنا عمري ما سألت أغنية ليا جايبه كام، أنا متعاون مع شركة تبع اليوتيوب حافظة حقوقي.
واستطرد عصام صاصا: اتشرف أعمل دويتو مع محمد رمضان هو أكيد تعب في حياته بجد علشان يوصل للي هو فيه ده، أنا لو مكانه أو أي حد هيبقى مكانه هيبقى كدة.
كما تطرق عصام صاصا، للحديث عن الأكثر جماهيرية هو أو ويجز، قائلًا: أنا ممكن أكون موجود في الشارع أكتر من ويجز، لأنه ممكن يكون بيعمل أغنية كل شهرين أو ألبوم.. لكن أنا ممكن في الشهر أعمل 10 أغاني، وبحب أغنية البخت.
تصريحات تلفزيونية لـ عصام صاصا، لكنه لم يكشف أنها جاءت ببرنامج أسرار الذي تقدمه الإعلامية أميرة بدر، المذاع عبر شاشة قناة النهار.
استعان المحرر بصورة لـ عصام صاصا، خلال لقاء له بقناة النهار، ولكنه طمس شعار القناة، مما يعد انتهاكا لحقوق الملكية الفكرية.
تصريحات لمطرب المهرجانات عصام صاصا، لكن المحرر لم يذكر أنها جاءت ببرنامج أسرار، الذي تقدمه الإعلامية أميرة بدر، عبر قناة النهار.
© 2025 AkhbarMeter. All Rights Reserved