شوبير: اتهددت بالطرد من القناة علشان موقفي من الخطيب ورفضت 5 ملايين جنيه (فيديو)

أحمد شوبير، قال الإعلامي الرياضي أحمد شوبير: "اتعرض عليا 5 ملايين جنيه علشان موقفش مع الكابتن محمود الخطيب في انتخابات النادي الأهلي ورفضت ووقتها مستقبلي في الشغل كان متهدد".

دعم أحمد شوبير للخطيب

وأضاف خلال الجزء الثاني من لقائه ببرنامج "العرافة" المذاع على قناة "النهار": "لو اتعرض عليا 100 مليون علشان موقفش مع الخطيب بردو هارفض".

تهديد أبو العينين

وتابع: "لما كنت شغال في قناة صدى البلد وقت انتخابات النادي الأهلي، صاحب القناة محمد أبو العينين قال لي احنا جايلنا إعلانات كتير جدا بس تغير موقفك من دعم الخطيب في الانتخابات، فقلت له لأ مش هغير موقفي، فقال لي ليه لو الخطيب خسر مش هينفع تطلع تاني في القناة قلت له لأ الخطيب هيكسب، وقائمة الخطيب لا عملت إعلانات في المحطة ولا أنا باخد مقابل إعلانات وأنا دايما برنامجي بيجيب أعلى إعلانات ووقتها كنا المحطة الوحيدة اللي معملوش فيها إعلانات رغم دعمنا لهم ولكن كان وجهة نظرهم صح حتى لا يسيء فهمها".

ويمكن مشاهدة الفيديو من هنا.

سؤال محرج لشوبير

ورفض أحمد شوبير، الإجابة على سؤال محرج طرحته عليه بسمة وهبة، ولكن شوبير رفضه أن يقرأه وأعاده للمذيعة التي قامت بورها بتقطيع كارت السؤال.

وعقب "شوبير": "أنا مبحبش البرامج اللي من النوعية دي لإني مش في موضع اتهام".

أما السؤال السري فيمكن مشاهدته من هنا.

موقف شوبير من انتخابات اتحاد الكرة

وأكد "شوبير": "أنا مش هانزل انتخابات اتحاد الكرة تاني وده قرار نهائي".