بوسي تبكي على الهواء بسبب والدتها وتكشف حرب سعد الصغير عليها (فيديو)

بوسي، بكت المطربة الشعبية بوسي، على الهواء، بعد عرض صورة والدها، قائلة: "أمي تعبت علشان تربيني وتعلمني أنا وأخويا، خاصة أنها كانت منفصلة وهي حامل فيا في شهرين".

وفاة والدة بوسي

وأضافت خلال الجزء الثاني من لقائها ببرنامج "العرافة" الذي تقدمه بسمة وهبة بقناة "النهار": "كنت متعلقة بيها أوي وماتت وأنا عندي 17 سنة، وملحقتش أشبع منها".

لمشاهدة الفيديو هنا.

وتابعت: "أمي تعبت كتير في حياتها واتظلمت كتير ولما حسيت إن الحمل كان كبير عليها طلبت منها أنزل اشتغل وفي الأول رفضت ولكني أقنعتها فوافقت وكانت بتنزل معايا شغلي رجليها على رجلي".

لمشاهدة الفيديو هنا.

قصة سعد الصغير مع بوسي

وعن قصة سعد الصغير وسر اهتمامه بوالدها قبل وفاته، علقت بوسي: "أنا معرفش هو عايز مني إيه، وسمعت مرة إنه اتجوزني وده مش صح طبعا، وعايز أسأله أنت عايز مني إيه وبتحاول تعمل شو ولا بروباجندا ليه؟ أنا لحد دلوقتي عاملة بالعيش والملح وإننا كنا أصحاب وإخوات زمان وبقوله ليه مركز في حياتي أكتر مني وبتصدق يطلع على أي كلمة".

مشكلة والد بوسي

وأكدت: "عمري ما قصرت مع أبويا، والدي للأسف عمره ما كان معانا في حياتنا وكانوا بيستغلوه ضدي وبيدفعوا فلوس ويتكلموا معاه علشان يحاربوني به، أبويا كان طماع وكلمته كتير وقلت له بلاش فضايح وأديله فلوس تاني يوم يقول بنتي رامياني ومش بتصرف عليا، أنا منعت الفلوس عنه لما طلع قال بنتي بوسي مش بتصرف على وأنا معملتش فيه حاجة وحشة".