ريهام حجاج ترد على تعليقات رواد التواصل الاجتماعي بخصوص طلاق "ياسمين والعوضي": "احترموا نفسكم عيب"

قامت الفنانة ريهام حجاج بالرد على بعض المنشورات التي تداولها رواد مواقع التواصل الاجتماعي في الساعات الماضية، حول تعليقها على انفصال الفنانة ياسمين والفنان أحمد العوضي بعد زواج دام 4 سنوات.

وتداول رواد مواقع التواصل الاجتماعي كلام على لسان "ريهام" تكشف خلاله عن كونه "أسعد أيام حياتها" بسبب انفصال "ياسمين" و"العوضي"، وذلك نظرًا لزواج "ريهام" من زوج ياسمين السابق رجل الأعمال محمد حلاوة.

ونشرت "ريهام" مقطع فيديو عبر حسابها الرسمي على "انستجرام"، قامت خلاله بتوضيح الأمر لمتابعيها قائلة: "طالعة النهاردة اعمل الفيديو ده علشان أرد وأنا مش متعودة الحقيقة أني أرد على أي إشاعات أو أي افتراءات، حصل قبل كده بقالي 6 سنين كلام أنا عمري ما قولته وبيتقال حاجات عمرها ما حصلت مني وأنا عمري ما رديت، بس النهاردة قررت أني أرد وسخافة أوي بصراحة وقلة احترام وقلة دين وقلة تربية أني أبقي قاعدة في البيت لا بيا ولا عليا وكان بقالي 7 ساعات ما مسكتش الموبايل أصلا، وفجأة اكتشف أني منزلة استوري ومسحتها واستوري كاتبة فيها إنه أحلى يوم في حياتي وسخافات كده مالهاش أي علاقة لا بيا ولا بأخلاقي".

وأضافت،؛ "حابة أرد النهاردة لأني بعد كده مش هسمح لحد إنه يطلع عليا إشاعات وأسكت أنا معملتش كده وناس كتير أوي متبعاني وباعتين لي بيقولولي انتي منزلتيش حاجة والناس بتقول إنه منتشر على صفحات كتير كلها صفحات رخيصة بتدور على الفتنة والوقيعة بين الناس.