حرام تدمروا ثقافة المجتمع القانونية.. نهاد أبو قمصان تهاجم مسلسل حالة خاصة: انتهاك لقيم وأخلاق المحاماة

شنت المحامية نهاد أبو قمصان، هجومًا شديد اللهجة على مسلسل حالة خاصة، بطولة الفنانة غادة عادل والفنان طه دسوقي، مستنكرة القصة القانونية التي يناقشها العمل، وطرق حل القضايا فيه.

ونشرت نهاد أبو قمصان فيديو عبر حسابها الشخصي على موقع الفيديوهات تيك توك، أعربت فيه عن استياءها الشديد مما يتناوله مسلسل حالة خاصة بطولة غادة عادل وطه دسوقي، مشيرة إلى أن العمل يدمر ثقافة المجتمع القانونية، إذ قالت: جميل أن يكون في مسلسل زي حالة خاصة بيتكلم عن وجود شاب عنده حالة خاصة مثل مرض التوحد، بس المكتب دة عايز يتشمع بكل المحاميين اللي فيه.

وكشفت نهاد أبو قمصان، سبب هجومها على مسلسل حالة خاصة، موضحة: أولا ازاي نجيب صاحبة القضية ونقعدها مع كل المحاميين اللي تحت التدريب ونقولها قولي كل أسرارك قدام الكل ونقولها هما دول اللي هيحلولك القضية ده ضد مهنة المحاماة تماما، في حاجة اسمها خصوصية، إزاي اجيب موكل يتكلم عن

أسراره قدام شباب لسة بيتعلموا ومتعينوش في المكتب ودة انتهاك شديد لقيم وأخلاق مهنة المحاماة.

وأضافت نهاد أبو قمصان: ثانيا خلع أيه اللي بيعملوا تحقيق 6 محامين بيحققوا في قضية خلع ويصوروا جوز الست ويقولولها هاتي كشف طبي، الكلام دة ممكن يكون يتعمل في إنجلترا اللي فيها اقتسام للثروة فكل واحد بيثبت أن مش هو سبب الطلاق لكن الخلع عندنا الست بتتنازل عن أي حاجة ومبتقولش أسباب أصلا، أما التحقيقات دي في الطلاق للضرر فالمسلسل فيه مشكلة من ناحية أخلاقيات المهنة ومن ناحية الموضوعات المطروحة فهاتوا محامي يراجع المسلسل.

نهاد أبو قمصان: حرام تدمروا ثقافة المجتمع القانونية

وفي السياق ذاته، وجهت نهاد أبو قمصان اتهامًا لمسلسل حالة خاصة لـ تدمير ثقافة المجتمع القانونية، لما يتناوله من أحداث غير واقعية وتضر مهنة المحاماة حسب وصفها، مستكملة: حرام تدمروا ثقافة المجتمع القانونية دة احنا بنقعد سنين نبني الوعي القانوني وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحاميين من الكلام دة.

وتابعت: الجناية اللي المتهم ممكن ياخد فيها إعدام ولسة بنتناقش فيها وحد يديها برشامة فيها الحل قبل ما تترافع وتقولولي دي أكبر محامية في مصر وهي الصبح بتقول للمحاميين أنتم أكبر عقول وأكبر محاميين ومش عارفين توصلوا لحل، وصاحبة المكتب قعدة مع الـ 6 متدربين اللي لسة بتختبرهم مش حتى دول تحت التمرين والـ 6 أفراد معاهم قضية واحدة، ولا المحامي المتحرش هل في محامي ممكن يتجرأ على استاذته ويتكلم معاها بالطريقة دي.