حمو بيكا: "بعاني من الحسد من ساعة سبوع ابنتي.. وأنا متولدتش في بقي معلقة دهب"
رد مطرب المهرجانات حمو بيكا على منتقدي عقيقة ابنته "تاج" الذي أقامه خلال الأيام الماضية في إحدى قاعات الأفراح.
وتحدث حمو بيكا، في بث مباشر نشره عبر حسابه على عن معاناته قبل الشهرة قائلا: "سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ".
وأضاف: "أبويا على باب الله بيسافر ويتغرب ويشقى علشان اللقمة اللي بناكلها بالحلال وأنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي".
وذكر حمو بيكا: "ربنا لما بيكرم بني آدم ويرزقه مش من فراغ، وأنا متولدتش في بقي معلقة دهب وكنت بحب الخير لكل الناس ولحد الوقت ده".
وتابع: "اتقال إن السبوع اتصرف عليه ملايين وعربية بـ 10 مليون دولار، إزاي دي العربية كانت مخلعة والكلام ده مش حقيقي روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده، وأكبر من كده بكتير ولا علشان أنا حمو بيكا".
وواصل حمو بيكا حديثه قائلاً: "في إيه يا جماعة من وقت السبوع لحد دلوقتي كنت في مشاكل شخصية من الحسد، وده مذكور في القرآن، والحمد لله عديت وبنتي الأميرة تاج في حضني وربنا يخليها ليا ولما ربنا يديني هعملها أكتر من كده، علشان أنت بذات نفسك بتشتغل علشان عيالك وتتمنى تجيب لعيالك نجمة من السما".
وتطرق حمو بيكا للحديث عن صوره قبل الشهرة، قائلاً: "الصور دي تاج هشليها على راسي لحد وفاتي، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف، وأنتم اللي حكموتوا عليا أني دمي خفيف"
لم يذكر المحرر اسم مصور الصورة أو الوسيلة الإعلامية التي نشرت بها، وهو ما يعد إهدارًا لحقوق الملكية الفكرية لصاحبها.
أوضح المحرر أن المعلومات التي أوردها في متن الخبر، جاءت على لسان مطرب المهرجانات "حمو بيكا"، وذلك من خلال فيديو بث مباشر على صفحته الرسمية عبر موقع التواصل الاجتماعي فيس بوك.
© 2025 AkhbarMeter. All Rights Reserved