كروان مشاكل بالتحقيقات: كنت بدي الناس 40 جنيه عشان يصوروا معايا في التوكتوك | خاص
يستكمل القاهرة 24 نشر اعترافات كروان مشاكل أمام جهات التحقيق، بعد أن وجهت له اتهامات الاعتداء على المبادئ والقيم الأسرية في المجتمع المصري، وانتهاك حرمة الحياة الخاصة، حيث أنكر بثه المقطع على مواقع التواصل الاجتماعي للكافة دون تمييز.
أقوال كروان مشاكل في التحقيقات
وجاء في نص التحقيقات أن التيك توكر كروان مشاكل أنكر أنه نشر تلك المقاطع على مواقع التواصل الاجتماعي، وأنه ليس على علم بنشر تلك المقاطع، وأضاف أن القائم على نشر مقطع الفيديو هي سماح الشهيرة بـ إنجي حمادة والتي أرسلن مقطع الفيديو إلى صديقة المدعو بطاطا علشان ينشره.
وقال كروان مشاكل أمام جهات التحقيق: أنا عملته علشان كنت عايز اتشهر ولما أتشهر أجيب فلوس علشان أعمل عملية في رجلي وأرجع أمشي كويس وفي إيدي كمان.
وأوضح كروان مشاكل: أنا أول فيديو عملته ونزلته كنت بغني فيه أغنية وداع يا دنيا وداع مع واحدة جارتنا والفيديو دا اتشهر وبقا تريند وعملت كام فيديو كمان مع واحد اسمه عم طوخي وكنا بنضرب فيها بعض بطريقة مضحكة والفيديوهات اتشهرت وبقت تريند وكنا مطلعين فيه التريند بكلمة جرين برجر واتعملي حظر بعد كده على الحساب علشان الفيديوهات كانت فيها نار ودخان علشان كان طوخي بيظهر فيها وهو بيطبخ.
وأضاف التيك توكر كروان مشاكل أمام جهات التحقيق: أنا عملت الحسابين اللي أنا قلت عليهم وابتديت أعمل فيديوهات مع ناس بتركب معايا التوكتوك مقابل إني بديهم أربعين أو خمسين جنيه علشان يصورا معايا الفيديوهات وأنزله عشان أتشهر وياخدوني في أي مسلسل ويبقى معايا فلوس.
وأكمل كروان مشاكل: احنا كنا بنطلع في الفيديوهات دي نعمل أي حاجة تضحك الناس سواء كلام يطلع تريند وأنا أصلا طريقة كلامي لوحدها بتضحك أو حركات بنعملها.
أغفل المحرر كتابة اسم مصور الصورة عليها، وهو ما يمثل عدم التزام بحقوق الملكية الفكرية.
التيك توكر كروان مشاكل بنص التحقيقات في اتهامات الاعتداء على المباديء والقيم الأسرية في المجتمع المصري.
© 2025 أخبار ميتر. جميع الحقوق محفوظة