ريم طارق السبب.. سر عدم دعوة حسن شاكوش لعقيقة ابنة حمو بيكا

شاركت ريم طارق طليقة مطرب المهرجانات حسن شاكوش، متابعيها صورة لها مع شمس زوجة حمو بيكا من عقيقة ابنتهما أمس، واكتفت ريم بنشر الصورة عبر حسابها بموقع تبادل الصور والفيديوهات إنستجرام، مع تعليق: أم تاج.

وظهرت ريم طارق طليقة حسن شاكوش، مرتدية فستانًا باللون الأسود من الجلد، وتركت شعرها منسدلًا على كتفيها.

في الوقت نفسه نشر حسن شاكوش فيديو، كشف فيه أن حمو بيكا لم يدعِهِ لحضور عقيقة ابنته، إذ قال: حمو بيكا معزمنيش على عقيقة بنته، وأنا مبتحركش من مكاني غير لما أتعزم، وبيكا معاه تيلفوني، لو عزمني كنت رحت.

وأضاف حسن شاكوش أن لكل شخص ناجح عدوًّا، خاصة إذا ارتبط عملهما بنفس المجال، قائلًا: حِب الخير لغيرك عشان ربنا يكرمك، اوعى تكره لحد الخير، كلنا لينا أعداء وعدوك ابن كارك، مفيش حد هيكون عايزك أحسن منه، في ناس عندها غيرة شغل، وناس عندها غيرة شخصية، وأنا عمري ما غيرت من حد لأن ثقتي في نفسي أكبر مما تتخيلوها، وفي ناس مجرد ما تديهم ضهرك يشتموك عشان إنت معبرتهمش، وربنا يدي كل واحد على قد نيته.

وتسبب حضور ريم طارق عقيقة ابنة حمو بيكا، في عدم دعوة بيكا لصديقه حسن شاكوش، على الرغم من أن حسن كان دعاه لحضور حفل زفافه شهر مارس الماضي.

واحتفل حمو بيكا بـ سبوع ابنته مساء أمس بإحدى قاعات الأفراح الفخمة وبحضور مجموعة من زملائه مطربي المهرجانات، حيث شارك جمهوره مجموعة فيديوهات من احتفاله بعقيقة ابنته مع زوجته شمس.