بالفيديو.. عمرو أديب: مصر تمر بذروة كورونا.. والفتح أصعب من الغلق

قال الإعلامي عمرو أديب، إن البعض يقارن بين الوضع في فرنسا حيث تم فتح المطاعم والمقاهي وبين الوضع في مصر خلال أزمة فيروس كورونا، معقبا: "إحنا وضعنا مختلف.. الفيروس في مصر يا في الذروة، يا رايح الذروة، لا تنظر إلى فرنسا".

وأضاف خلال برنامج "الحكاية" الذي يذاع على قناة mbc مصر: "اللي في أوروبا ، ده إحنا مالناش دعوة بيه، ولا تحاول أن تجرب هذا الأمر، إحنا دلوقتي في مرحلة الكمامة، هما جربوا كل حاجة إصابات ووفيات بالآلاف، وفي نفس الوقت المملكة العربية السعودية أصدرت قرار أنه في مدينة جدة تعود مرة أخرى القرارات الاحترازية،وعودة حظر التجوال من جديد، لأنهم شافوا أن الأزمة لسه مخلصتش".

وتابع: "الفتح أصعب من الإغلاق، الناس اللي بتتكلم في فتح المطاعم والكافيهات، الموضوع صعب ومحتاج عدد كبير من المتطوعين وأجهزة قياس درجات الحرارة، الناس بتقول شوفوا الناس في أمريكا بتنزل وبتتظاهر في وسط الأزمة ومش لابسين كمامات، أنا مش عارف، لكن الشيء الوحيد اللي أقدر أقوله إن الكمامة وغسل اليدين يجب أن يلزمونا طول الوقت"

لمشاهدة الفيديو برجاء زيارة الرابط الأصلى للخبر.