شقيق ياسمين عبد العزيز يهاجمها على فيس بوك: "صورك على حساب سمعتنا"

March 04, 2020 | | Reviewed by: Dina Aboelmaaref | Category: Arts

شن وائل عبد العزيز، هجومًا كبيرًا على شقيقته الفنانة ياسمين عبد العزيز، بسبب علاقتها بالفنان أحمد العوضى، قائلا: "أحب أقولك يا راجل لما تيجى تدخل بيت تدخله من بابه يا راجل، وتقعد مع رجالة البيت".

وقال وائل، عبر حسابه على فيس بوك: "بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها".

وأضاف شقيق ياسمين: "وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟.

وتابع وائل: "ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين" .

وتابع: "أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".

Reviewer's Comment

المحرر استعرض تفاصيل واقعة هجوم وائل عبد العزيز، على شقيقته الفنانة ياسمين عبد العزيز، بسبب علاقتها بالفنان أحمد العوضى.

Journalist's Comment

No Comment

Our detailed review

Does the author refer to the source of the images used in the article clearly?

نسب الصور لمصدرها
الصورة وردت في النص موثقة من حساب الفنان أحمد العوضي

Did the editor refer to the sources of the information used in the article?

ذكر مصدر المعلومات

Resource Links

The article was copied from Alwafd News 2020-03-04 09:44:15 View original article

Rating and Reviews

Accurate

Human Rights

Accurate

100%

Credibility

Accurate

100%

Professionalism

Accurate

100%

Want accurate news and updates?

We care about the protection of your data. Read our Privacy Policy