أخبار فن


ريبورتاج ناقدة الموضة داليا النادى تفسر إطلالات النجمات فى مهرجان القاهرة السينمائى الدولى.. فستان فيفى عبده مخليها "شبه البونبونى".. ونور "تحس إن التراب طالع على وشك".. رانيا يوسف "قررت تقلع" ومادلين طبر "عك مفتخر"

ناقدة الموضة داليا النادى تفسر إطلالات النجمات فى مهرجان القاهرة السينمائى الدولى.. فستان فيفى عبده مخليها "شبه البونبونى".. ونور "تحس إن التراب طالع على وشك".. رانيا يوسف "قررت تقلع" ومادلين طبر "عك مفتخر" اليوم السابع

تقييم الخبر  74 %  

النص من الموقع بتاريخ 18/11/30 04:05

مع كل مهرجان سينمائى أو حدث هام، ينتظر الجميع إطلالات المشاهير على الـ red carpet ، لكن ظهور النجمة رانيا يوسف بفستان شفاف أسفله مايوه، فى ختام مهرجان القاهرة السينمائى الدولى، أثار الجدل على مواقع السوشيال، وهو ما يجعلنا فى حاجة لتفسير مثل هذه الإطلالات.

ناقدة الموضة والأزياء داليا النادى فسرت أبرزت إطلالات الفنانات المصريات على السجادة الحمراء، وبدأت بالفنانة فيفى عبده قائلة:" فيفى عبده بفستان أنا مش عارفة أى شيطان أوحى لها بلبسه.. يعنى بداية من موديل الفستان اللى مخليها شبه البنبونى ولا بطانة الفستان السيئة من منطقة الصدر ولا لون الفستان الـ cheap ولا العقد الأوفر والباروكة الصناعية اللى شكلها طالع "فيك" أوى فى الصور كان ممكن تلبس باروكة شعر طبيعى ..أنى واي يا فوفا آى سوير آى لافيووو".

أما فستان الفنانة بسمة، فقد شبهته "النادى"، بـ"السارى الهندى"، مضيفة:" غريب وعجيب طيب  والشيفون اللى فيه باين رخيص  والماكياج سيء.. يعنى حتى اللى عمل كنتورينج كان يدمجه كويس ماحبيتش بصراحة".

"أول ما تشوفه تحس إن التراب طالع على وشك من كتر ما الموديل قديم وراحت عليه"، كان ذلك وصف داليا النادى لفستان الفنانة نور، وأشارت إلى أنه " مناسب لجسمها بس بااااهت ولونه كئيب والمكياج باهت جدا الشعر ماشى حاله الكلاتش سىء".

وكان رأيها فى "لوك" الفنانة إلهام شاهين "أرحم بكتير من الافتتاح"، قائلة:" الفستان مناسب لجسمها مع إن النقشه أو التطريز عند الصدر مش مفهوم بالنسبالى والشعر الطويل  لايقلها أكتر من القصير بس اللون بصراحه مش لايقلها.. كان ممكن يكون أحلى.. المجوهرات حلوة والميكاب كمان حلو  الكلاتش كان محتاج بس يكون أصغر".

أما رانيا يوسف والتى كانت وما زالت حديث مواقع التواصل الاجتماعى بعد اطلالتها الجريئة، فقد عاتبتها خبيرة الموضة بقولها:" يعنى هوه يا كدا يا كدا يا رانيا.. ادايقنا من لوك مايكل جاكسون المره اللى فاتت قررتى تقلعى.. يعنى بالرغم من إنه القماشة حلوة وفخمة والفستان نفسه موديل حلو بس الجزء السفلى فاضح بشكل مبالغ فيه ياماما..  الميكاب حلو المجوهرات كمان والكلاتش مناسب  وفى كمان مشكله كبيرة فى البوز فى الصورة الل على الشمال اللى هوه لوز شمرى لا نتبل..  ده بشكل عام الفنانات العرب عندهم مشكله فى البووز على الريد كاربت".

"عك مفتخر"، كان ذلك تعليق داليا النادى على إطلالة الفنانة مادلين طبر، مؤكدة أن "مدام مدلين طبر لون الشعر لون الفستان لون التطريز لون الفرو مع  لون الفستان الكلاتش ماشاء  الله ميكس مفتخر من العك  بصراحه مش لاقية كلام أقوله".

وجاء تقييمها لإطلالة الفنانة "أروى جودة" متوازنة نوعا ما، لافتة إلى أنه بغض النظر عن إنها جميلة وإنه القالب غالب الجامبسوت فخم ولونه لايق ليها والتطريز فيه جميل بس عندى مشكلة مع الحزام العريض اللى  من الستان اللى قلل من قيمه الجابسوت لو كان أرفع كان هايبقو أحلى كتير..كمان الديل بايخ ومالوش لازمة وكنت بفضل لو لبست حاجة بسيطة فى رقبتها، لأنه فى مساحه كبيرة فاضية.. الميكاب حلو بس لو لون الروج كان أقوى كان طلع أحلى".

وحول إطلالة الفنانة ياسمين رئيس، قالت "النادى":"الفستان حلو وفخم .. حتى الحركة اللى اتعملت بيها البطانه تحت الفستان حلوة ومبتكرة فى الجزء السفلى الحزام رسم الفستان على جسمها.. بس بصراحة لون الفستان مش لياسمين مش لايق للون بشرته أبدا.. كمان منطقة الصدر فاضية أوى كانت محتاجة حتى لو حاجة بسيطه الميكاب حلو  لون شعرها كارثة الكوارث".

"ولا غلطة"، كان وصف داليا النادى لإطلالة الفنانة رانيا منصور،  ورأت أنه "لوك كامل متكامل" يختصر فى كلمتين elegant و classy  كله.. ولا غلطة.. الفستان بسيط وناعم والميكاب والشعر تناغم وتوازن الكورساج جميل والتطريز اللى فى كنار الفستان مدى لمسة فخامة..بصراحة من أحلى الـ looks فى الختام.

وختمت خبيرة الموضة والأزياء تقييمها لإطلالات الفنانات، بلقاء الخميسى، حيث وصفت فستانها بـ" جميل وكلاسى وشيك"، مضيفة:"حبيت الإكسسوار اللى على الكتف ومزج التل مع القطيفة.. وقصة الفستان لايقالها أوى والمجوهرات جميلة والشعر لطيف بس كان ممكن يكون أحلى الميكاب بقى اللى كارثى".

فيفى

بسمة

نور

الهام

رانيا

مادلين

اروى

ياسمين

WhatsApp Image 2018-11-29 at 23.51.48

مصدر الخبر
التقييم:

- هل تمثل المصادر المستخدمة بالمحتوى جهة واحدة من الرأي أم تعرض الرأي الآخر؟

جهة واحدة


- هل المصادر المستخدمة حديثة ومناسبة لسياق الموضوع؟

حديثة ومناسبة


- هل وازن المحرر بين وجهات النظر المعروضة أم انحاز لطرف دون الآخر؟

وازن في عرض الآراء


- هل فصل المحرر بين تعليقه والمحتوى الخبري المقدم للقارئ؟

فصل التعليق


- هل قدم المحرر تغطية كافية لجوانب الموضوع أو التفاصيل المرتبطة به؟

قدم تغطية كافية للموضوع


- هل ذكر المحرر مصدر الصور المستخدمة ضمن المحتوى بوضوح؟

لم يذكر المصدر


- هل ذكر المحرر مصادر المعلومات المتضمنة بالمحتوى بوضوح؟

ذكر مصدر المعلومات


- هل يحتوي الموضوع على معلومات خاطئة؟

المحتوى صحيح


- هل ابتعد المحرر عن الخلط أو التلاعب بالبيانات أو المعلومات؟

ابتعد عن التلاعب


- هل المحتوى المرئي المستخدم مناسب للموضوع؟

مناسب


- هل يعبر العنوان عن مضمون المحتوى المقدم؟

لا يعبر بشكل دقيق


- هل العنوان واضح وغير متحيز؟

متحيز

اعتمد العنوان على الإساءة للفنانات لجذب القراء.

- هل هناك أي تعميم في المحتوى؟

المحتوى خالي من التعميم


- هل هناك أي تصنيف أو إهانة أو وصم أو تشويه لفرد أو لمجموعة؟

المصدر قام بأحد هذه الانتهاكات دون أن ينوه المحرر لتجاوز المصدر


- هل هناك أي اعتداء على خصوصية الأفراد في عرض المحتوى؟

المحتوى خال من الإعتداء


- هل توجد رسائل كراهية بالمحتوى؟

المحتوى خال من رسائل الكراهية


- هل خلى المحتوى من التحريض على العنف؟

المحتوى خال من التحريض


- هل خلى المحتوى من التمييز؟

خلى المحتوى من التمييز



تم التقييم بواسطة Nourehane بتاريخ 2018/12/04 11:47



تعليق المقيم

اعتمد العنوان على الإساءة للفنانات لجذب القراء.

رد الصحفي

لا يوجد