الغش فى نهار شهر رمضان.. الحرامى بطنه تصوم وإيده تسرق (فيتشر)
June 04, 2018 |
| Reviewed by: Dina Aboelmaaref | Category: منوعات
سلوكيات خاطئة ومُحرمة يرتكبها البعض فى شهر رمضان، أحدها الغش، مستغلين انشغال المواطنين بالصيام أو بحالة الاستعجال التى تميز سلوكهم قبل الإفطار والسحور. تقول أصالة عبدالمنتصر، 21 عاماً، خريجة خدمة اجتماعية: «موضوع الغش ده بيحصل فى كل وقت بس بستغرب الناس اللى بتغش فى رمضان ومابيفرقش معاها صيامها». وتتابع: «البعض يستغل أن الناس بتبقى مستعجلة أو مش مركزة فى رمضان ويغشوا سواء فى بيع سلع بسعر أعلى أو أنهم يغشوا فى السلعة نفسها، وكمان سائقو الميكروباص بيرفعوا الأجرة لأن أغلبهم استغلوا شهر رمضان وأن الناس تعبانة وعاوزة تروح بدرى ويقومون برفع الأجرة، الله يسامحهم». عمرو أحمد إبراهيم، سائق تاكسى، ٥٢ عاماً، لم يختلف رأيه كثيراً، حيث عبر عن استيائه من انتشار ظاهرة الغش: «طبعاً ده أمر مرفوض سواء فى رمضان أو غير رمضان والأمر بيكون أكبر خلال الشهر الكريم لأن المفروض ده وقت الناس تتفرغ فيه للعبادات والطاعة، فمن باب أولى الناس تكف نفسها عن أى سلوك خاطئ». وتابع: «اللى بيعمل الفعل ده إيمانه ناقص، لأن الغش حرمته الأديان السماوية كما ترفضه الأخلاق، زى الطلبة اللى بتغش فى الامتحانات وتاخد تعب غيرها، وكذلك الأمر بالنسبة للفكهانى لما يشيل الفاكهة والخضار الطازج على جنب ويبدأ يبيع فى اللى هيبوظ منه»، واختتم حديثه مؤكداً أن من يفعل ذلك لا يجد بركة فى رزقه: «أغلب اللى بيغشوا الناس بيعتقد كده إن رزقه بيزيد، مايعرفش إن ربنا مش هيبارك له فيه وهيبقى ليه عقاب فى الآخرة والدنيا».
سلوى إسماعيل -ربة منزل- تشكو من غش بعض التجار خاصة فى شهر رمضان: «كل ما بروح أشترى حاجة ألاقى مشكلة، مرة اشتريت عصير لقيته عامل زى المياه الملونة، ولما بشترى الفول عشان السحور الراجل بيحط نص الكمية اللى كان بيحطها فى الأيام العادية عشان طبعاً يكفى كل الناس اللى بتشترى وكمان يزود دخله»، وتنهى حديثها قائلة «مش عارفة ازاى بيقبلوا على نفسهم حاجة زى كده وكمان فى رمضان ولكن من الواضح أن اللى فيه عادة مبيغيرهاش حتى لو كان صايم».
Our detailed review
Does the author refer to the source when quoting or paraphrasing?
أشار المحرر إلى المصدر في حالة النقل أو الاقتباس
Does the author differentiate between his\her own comments and the presented news?
فصل التعليقبمقدمة المحتوى
Does the author refer to the source of the images used in the article clearly?
لم ينسب الصور لمصدرها
Did the editor refer to the sources of the information used in the article?
ذكر مصدر المعلومات
Do the sources used in the article convey the same opinion or different opinions?
جهات مختلفةسيدتين ورجل رووا حكاياتهم مع التعرض لغش تجاري لسلع وخدمات أثناء رمضان
Are the sources up-to-date and relevant to the story?
حديثة ومناسبة
Is the visual content suitable for the story?
مناسب
Does the headline express the contents of the article?
يعبر عن المحتوى
Is the headline clear and unbiased?
متحيز
Is there any stereotyping in the article?
يوجد تعميم من المحرر
Is there any insult, defamation or slandering for individuals or groups in the article?
أشار المحرر لوقوع المصدر بـ (إهانة /أو تشويه /أو تشهير) بحق فرد أو مجموعة
Is there any hate speech in the article?
أشار المحرر إلى تبني المصدر خطاب كراهية
Is there any discrimination or/and stereotyping against individuals or groups in the article?