أول ملتقى توظيف لذوى الاحتياجات الخاصة

حرصت بعض الشركات، على استكمال قرار نسبة الـ5% لذوى الاحتياجات الخاصة، سواء بتوظيفهم فى القطاعات الحكومية أو الخاصة، من خلال أول ملتقى توظيف لهم فى 14 أبريل الحالى، وذلك فى الحرم اليونانى بمنطقة وسط البلد، ويلتقى فيه أصحاب ومندوبو الشركات مع أصحاب الإعاقات والتعرف عليهم وعلى قدراتهم، وتوظيفها فى المجال الذى يناسب الإعاقة. «نقدر.. عزيمة.. إرادة»، شعار رفعته الشركات المشاركة فى المبادرة، فى محاولة لتشجيع الشركات على الترحيب بهم ودمجهم فى فريق عملهم، لدعم التعددية وزيادة الإنتاجية، بالإضافة لتغيير الطريقة التقليدية التى ينظر بها المجتمع المصرى للإعاقة، وضمان دمجهم فى المجتمع المصرى دون تمييز أو تحيز: «الشركات الموجودة هتكون مالتى ناشيونال، وهيتقابلوا بذوى الاحتياجات وهيقدموا السيرة الذاتية بتاعتهم، وهيراجعوا السيفيهات ويتصلوا بيهم وكل واحد على حسب قدراته ومؤهلاته الخاصة»، بحسب أحمد سامى، مسئول مبيعات بإحدى الشركات المشاركة فى الملتقى: «ممكن يكون الشخص ده عنده نقص فى بعض القدرات، لكن ده مايمنعش أنه لسه عنده قدرات تانية ممكن تساهم فى نجاح أى فريق عمل».