التسجيل الصوتي الكامل لفضيحة أيمن نور داخل قناة الشرق (خبر)




التسجيل الصوتي الكامل لفضيحة أيمن نور داخل قناة الشرق  (خبر)
جودة الخبر 35%
ادانة مشتبه به تمييز وجهة نظر واحدة آراء غير متوازنة عنوان مضلل صورة بدون مصدر محتوى مسروق مصادر مجهولة خلط بين الرأي والمعلومة

تم نقل النص عن جريدة الموجز بتاريخ 24/12/2017 02:25



مصطفى بركات ومصطفى إبراهيم تتجه الأزمة بين أيمن نور وقيادات الإخوان الهاربة إلى مدينة "إسطنبول" التركية، إلى مرحلة انفجار كبير وضح جليا في اجتماع الجمعية العمومية لمناقشة ميزانية قناة الشرق، التي تبث برامج موجهة ضد مصر من تركيا.اجتماع الجمعية العمومية لـ" قناة الشرق" الذي شهد مشادات وتلاسن بين كل من الدكتور سيف الدين عبد الفتاح، وعبد الرحمن يوسف القرضاوي، وهيثم أبو خليل، وسامى كمال من جهة، وأيمن نور بصفته رئيس مجلس إدارة القناة؛ لمحاسبته على إهدار أموال القناة، والتنكيل بالعاملين بها.وحصلت "فيتو" على تسريب صوتى لكواليس الجمعية العمومية التي شهدت اتهامات صريحة وموجهة لـ"نور" بالاستيلاء على ميزانية القناة، وسؤاله عن أسباب عدم تسديد رواتب العاملين.وتنشر "فيتو" التفريغ النصي للتسجيل الصوتي:سيف عبد الفتاح: الأستاذة دعاء كتبت على الجروب إن الاجتماع في قاعة تانية.سيف عبد الفتاح: يا دكتور أنا اتصلت وردت عليا دعاء، وقالتلي الجمعية العمومية خلصت.إيمن نور: لأ.. أنا باعت لحضرتك يا دكتور رسالة قلتلك الساعة خمسة، أنا المسئول.. دعاء ماكنتش معايا.سيف عبد الفتاح: مين اللي مش عاوزني أحضر؟أيمن نور: حضرتك مش عضو في الجمعية العمومية.سيف عبد الفتاح: لأ أنا عضو في مجلس الأمناء وليا حق إني أحضر وأراقب وأقول رأيي، أنا مش صورة ولا غطاء، أنا ماشي علشان عندي ندوة.محاولات لتهدئتهسيف عبد الفتاح: أنا خلصت اللي عندي، الناس الصغيرين اللي كلموني في التليفونات وبعتولي رسايل وأعلنوا مظالمهم، وأنا حتى كلمت الدكتور أيمن بشكل مباشر في أحد الاجتماعات، قلت له ما تظلمش الولاد دول، الولاد دول مش يكسروا في بلدهم ويكسروا هنا.أيمن نور: ما تيجي حضرتك وتسمع الميزانية.سيف عبد الفتاح: أنا قلت أهو وزع الميزانية لازم توزع الميزانية قبلها.المحامي وليد عبد الرؤوف: أنا محامي معايا تفويض من صاحبة السهم وبتكلم بلسانها بصفتك أستاذي بصفتي مستشار قانوني خاص بها.أيمن نور: الجمعية قالت إن العضو يفوض عضو.سامي كمال الدين موجها حديثه لنور: من سنتين ويمكن في ناس في القعدة دي حاضرة، كنت أنا وإنت في الدوحة في عشوة في ضيافة الدكتور طارق الزمر، وأحد الكتاب تطاول عليك واتهمك باتهامات سخيفة، واحد لسانه طويل كلنا عارفينه، واحد طيب بس لسانه طويل وقليل الأدب، والاتهامات اللي قالها سخيفة وتمس الكل، ولأنه لسانه طويل ما حدش رد عليه غيري، ودا لا هو حبا فيك أنا دافعت عشان حقك مش من حق حد يقول إن أيمن نور مبعوت من أمريكا، واللي بيتعاملوا معاه إنهم من أمريكا وواخدين دولارات دا كلام حقير، وما ينفعش يتقال، وأنا كنت بدافع عن حق، مش عن أيمن نور، وبقولك دفاعا عن الحق اللي بتعمله ده غل، واحنا كمجلس أمناء أنا مدبس في مجلس الأمناء، وكنت بحاول أطلع منه وإنت اترجتني يا دكتور أيمن ياما، وآخر مرة من شهر فات إني أرجع، طالما وجهت الكلام دا للأستاذ سيف اللي هو عضو ومش مستقيل من مجلس الأمناء يبقى من حق مجلس الأمناء يعلن رأيه في الموضوع ده، وينسحب؛ لأننا مش هنبقى غطاء للي بيحصل ده.أيمن نور: حضرتك انسحبت قبل كده وما حدش قالك انسحبت ليه.المحامي وليد عبد الرؤوف: حابب اتكلم مع الدكتور في عدة نقاط، موكلتي– شخصية نسائية- تحب أن تبلغك رسميا أنها لم يصلها تقرير مراقب الحسابات من هو مراقب الحسابات، والقرار اللي تم تعيينه بيها من الجمعية العمومية السابقة وقرار مجلس الإدارة بتعيين مراقب الحسابات.سيف عبد الفتاح: إحنا مالناش حضور، أنا همشي.أيمن نور: شكرا يا دكتور على كل إسهاماتك معانا.عبد الرحمن يوسف: أنا كنت حاضر الجمعية العمومية على أساس إننا أصحاب قضية وهننسق العلاقة وحبايب وبنحب بعض، لكن لما شفت امبارح وأنا راجع الاجتماع، الشباب كله طالع مقهور، فقلت إن الجمعية العمومية دي للشرح للشباب.أيمن نور: الجمعية انعقدت بالفعل.هيثم أبوخليل: أنا ماعرفش دا استخفاف بينا يا دكتور، إحنا لينا تاريخ يا دكتور أيمن واللي عملته دا لا يليق لا تستخف بينا إحنا مش صغيرين.أيمن نور: إنت بتمشيها بالدراع؟هيثم أبو خليل: أنا مش بمشيها بالدراع يا دكتور أيمن، إحنا شركاء.أيمن نور: أنت لست من الشركاء.هيثم أبو خليل: لأ، أنا ليا سهمين.أيمن نور: إنت مالكش أسهم اسمك مش موجود، إحنا قلنا الجمعية تتأجل لغاية الساعة خمسة.هيثم أبو خليل: ما تمدش إيدك عليا يا دكتور، حضرتك بتمد إيدك عليا يا دكتور؟!! مش عايز مطيباتية يا إخوانا، بتطردني يا دكتور قولي انك بتطردني أنا أول واحد دخل قناة الشرق، وآخر واحد على بث يا دكتور، واسأل، فلما حضرتك تختار مجلس إدارة تفتكر مين اللي قاعد في القناة من أول لآخر يوم.أيمن نور: قلنا هننتخب مجلس الإدارة والمساهمين.هيثم أبو خليل: الانتخابات ما تمتش ليه يا دكتور؟أيمن نور: يا راجل ما تقرأ.هيثم أبو خليل: لأ، التفاصيل عندك إنت يا دكتور حضرتك بتحب تفسر.أيمن نور: مش قلنا في يناير هننتخب واحد من العاملين.هيثم أبو خليل: دا تاريخ يا دكتور ولن يرحمنا ولم يرحم حضرتك.أيمن نور: بص التاريخ هيذكر لك كلامك دا.هيثم أبو خليل: طبعا هيذكره بأسطر من نور.أيمن نور: أنا غلطان إني عملت في نفسي كده. Video of 8QZI6Xif_h4

مصدر الخبر

التقييم

هل تمثل المصادر المستخدمة بالمحتوى جهة واحدة من الرأي أم تعرض الرأي الآخر؟
جهة واحدة
هل المصادر المستخدمة حديثة ومناسبة لسياق الموضوع؟
حديثة ومناسبة
هل أشار المحرر إلى المصدر في حالة النقل أو الاقتباس؟
لم يشر المحرر إلى المصدر في حالة النقل أو الاقتباس
بوابة فيتو
هل فصل المحرر بين تعليقه والمحتوى الخبري المقدم للقارئ؟
خلط بين الرأي والمحتوى
هل نسب المحرر الصور إلى مصادرها؟
لم ينسب الصور لمصدرها
أرشيفية
هل ذكر المحرر مصادر المعلومات الواردة بالمحتوى؟
لم يذكر مصادر المعلومات
هل وازن المحرر بين مختلف وجهات النظر؟
لم يوازن في غرض الآراء
هل المحتوى المرئي المستخدم مناسب للموضوع؟
مناسب
ذكر أنها أرشيفية لأيمن نور
هل يعبر العنوان عن مضمون المحتوى المقدم؟
يعبر عن المحتوى
هل العنوان واضح وغير متحيز؟
متحيز
هل هناك أي تعميم في المحتوى؟
يوجد تعميم من المحرر
هل هناك أي إهانة /أو تشويه /أو تشهير لفرد أو مجموعة ضمن المحتوى؟
أشار المحرر لوقوع المصدر بـ (إهانة /أو تشويه /أو تشهير) بحق فرد أو مجموعة
هل هناك انتهاك لخصوصية الأفراد ضمن المحتوى؟
أشار المحرر إلى انتهاك المصدر لخصوصية الأفراد
تسجيل دون أذن المعني بالأمر ودون إذن مسبق من النيابة
هل استأذن المحرر صاحب التسجيلات أو الصور الشخصية المعروضة بالمحتوى؟
استأذن
هل هناك التزام بمبدأ المتهم برئ حتى تثبت إدانته؟
ليس هناك التزام بمبدأ المتهم بريء حتى تثبت إدانته
هل هناك خطاب كراهية ضمن المحتوى؟
أشار المحرر إلى تبني المصدر خطاب كراهية
هل هناك تمييز /أو تنميط ضد أفراد أو مجموعات ضمن المحتوى؟
أشار المحرر إلى تمييز /أو تنميط المصدر

تعليق المقيم

لا يوجد

رد الصحفي

لا يوجد

رايك في التقييم

التعليقات