أم تتخلى عن أطفالها من أجل الزواج بـ'ثالث'.. فيديو (خبر)

عرضت الإعلامية جيهان عفيفي فيديو الحاجة ثريا لتحكى مأساتها مع ابنتها التى تركتها وهربت بعد زواجها مرتين وأنجبت طفلين وتركتهما لها لتربيتهما منذ 7 سنوات وهى تعانى من امراض وتقوم بعمل غسيل للكلى أسبوعيا. وأضافت جيهان خلال برنامج "سكوب" على قناة "ltc" الفضائية قائلا هى الأم وظيفتها ايه فى الدنيا، إنها تخلف وتكبر وتعلم وفى الاخر عيالها يتجوزوا ويسبوها، المصيبة الكبرى أن بنتها هربت عشان تتجوز. وتساءلت الإعلامية: طب ثريا تصرف وتعيش منين بدل مابنتها تكون هى العكاز اللى تتسند عليه بقت هى اللى بتكسرها، ست كبيرة فى السن مقطوع عنها المعاش وملهاش اى دخل تعيش وتصرف منين ، دا غير انها بتغسل كلى. وقالت إن الحاجة ثريا هتجيب منين عشان تأكل وتصرف وتودى مدارس اصلا مش دى مهمتها، الحاجة ثريا مهمتها انتهت هى ربت وكبرت وخليتك ام يبقى جزاتها انها تبقى فى الحالة دى، الحاجة ثريا فى اى لحظة ممكن تنطرد من البيت وملهاش حد فى الدنيا غير ربنا تعالوا نشوف التقرير ونرجع تانى.