رد قوي من السيسي بشأن سد النهضة: «ماحدش يقدر يمس مياه مصر» (فيديو) (خبر)




رد قوي من السيسي بشأن سد النهضة: «ماحدش يقدر يمس مياه مصر» (فيديو) (خبر)
جودة الخبر 85%
وجهة نظر واحدة عنوان مضلل

تم نقل النص عن جريدة المصري اليوم بتاريخ 18/11/2017 05:57



شدد الرئيس عبدالفتاح السيسي، السبت، على أنه لا مساس بحصة مصر من المياه، وذلك في معرض تعليقه عن سد النهضة الإثيوبي. وقال السيسي، خلال افتتاحه أكبر مزرعة سمكية في الشرق الأوسط وذلك في محافظة كفر الشيخ، السبت: «مياه مصر موضوع مفيش فيه كلام، وأنا بطمنكم ماحدش يقدر يمس مياه مصر». وأضاف السيسي: «اتكلمنا مع أشقائنا في السودان وإثيوبيا عن عدم المساس بالمياه». كما شدد السيسي على أن «المياه حياة أو موت لشعبي». وقال السيسي: «مش لسه بتتكلموا عن سد النهضة ويا ترى المياه أخبارها إيه، مياه مصر موضوع مفيهوش كلام، وأنا بطمنكوا، محدش يقدر يمس مياه مصر». وأضاف: «اتكلمنا مع أشقائنا في السودان وإثيوبيا من الأول خالص على 3 عناصر، منهم عنصر عدم المساس بالمياه، وكنا بنقول إحنا متفهمين التنمية ودا أمر مهم لكن أمام التنمية مياه تساوي مش تنمية، لكن حياة أو موت لشعب، دا مياه ربنا اللي خلقها ما حدش تاني عملها، بقالها آلاف السنين». وتابع: «بتقولوا المساس بالمياه خطر، ما اللي زرع أرز أكثر من المطلوب دا تجاوز في حق مياه مصر وشعب مصر، يا ترى أنت هتقول الكلمتين دول للمصريين هيبقوا سعداء، الشعب المصري واعي وعارف إيه المضر والمفيد، كنت أتمنى تلبية المطلب لكن مقدرش ألبي مطلب أنا لا امتلكه المياه مش بتاعتي بتاعتكوا انتوا، والتجاوز مش في حقي في حقكوا أنتم، مقدرش أمتلك دا، معايا رئيس البرلمان والحكومة شوفوا هيعملوا ايه، أنا بتكلم بجد والله، معايا رئيس البرلمان عبارة عن صوت الشعب في مصر ومعاه رئيس الحكومة، يا جماعة يا اللي بتسمعوني يا مصريين في كل بيت وكل غيط اعرفوا إن القواعد اتعملت عشانكوا انتوا مش عشاني أنا، أرجع تاني بقى للسد كده خلصت».

مصدر الخبر

التقييم

هل تمثل المصادر المستخدمة بالمحتوى جهة واحدة من الرأي أم تعرض الرأي الآخر؟
جهة واحدة
تصريحات الرئيس عبد الفتاح السيسي
هل المصادر المستخدمة حديثة ومناسبة لسياق الموضوع؟
حديثة ومناسبة
التصريحات اليوم
هل نسب المحرر الصور إلى مصادرها؟
نسب الصور لمصدرها
ملتقطة من الفيديو المرفق + لوجو القناة
هل ذكر المحرر مصادر المعلومات الواردة بالمحتوى؟
ذكر مصدر المعلومات
هل هناك معلومات خاطئة ضمن المحتوى؟
غير محدد
هل قدم المحرر تغطية كافية للموضوع؟
قدّم التغطية الكافية للموضوع
خلفية عن أسباب تصريحات "السيسي" وأزمة فشل مفاوضات سد النهضة الأخيرة
هل المحتوى المرئي المستخدم مناسب للموضوع؟
مناسب
هل يتناسب مضمون الفيديو مع المحتوى؟
نعم يتناسب
الخبر مبني على الفيديو- نقلا عن قطاع الأخبار المصري
هل يعبر العنوان عن مضمون المحتوى المقدم؟
يعبر عن المحتوى
هل العنوان واضح وغير متحيز؟
متحيز
"قوي"
تم التقييم بواسطة فريق التقييم بتاريخ 2019/08/20 05:49

تعليق المقيم

لا يوجد

رد الصحفي

لا يوجد

رايك في التقييم

التعليقات