«هل الدوري من أركان الإسلام؟».. مرتضى منصور يدعو لـ«فتح المساجد قبل الملاعب»




«هل الدوري من أركان الإسلام؟».. مرتضى منصور يدعو لـ«فتح المساجد قبل الملاعب»
رياضة / خبر
جودة الخبر 73%
وجهة نظر واحدة تفاصيل ناقصة

تم نقل النص عن جريدة المصري اليوم بتاريخ 18/06/2020 09:53

المحرر - عمرو عتريس


أبدى مرتضى منصور، رئيس نادي الزمالك، اندهاشه من التمسك بعودة بطولة الدوري للموسم الحالي، على الرغم من رفض غالبية الأندية استئناف المسابقة.

 وقال «منصور»، في مداخلة هاتفية ببرنامج «على مسؤوليتي» على قناة «صدى البلد»، اليوم الأربعاء: «الأهلي أحسن فريق السنة دي، لو خد الدوري السنة دي أو لا أعتقد مش هايفرق معاه».

 وأضاف: «إحنا في ظروف استثنائية؛ هل الدوري من أركان الإسلام؟.. الصلاة لما بيبقى في عذر عند السيدة بتأجله، ولو حد عنده مرض بيأجله، والحج لمن استطاع إليه سبيلا، مش فاهم إيه أهمية الدوري ده اللي لازم يكمل السنة دي؟.

 وتابع: «في 4 أندية عندها أسباب إن الدوري يكمل، و14 نادي عندهم أسباب إن الدوري ما يكملش، الأهلي عاوز ياخد بطولة، وهاعتبر ده حقه ووجهة نظره، لكن ناقص 17 أسبوع، لو بدأنا 25 يوليو هانبقى محتاجين 3 أشهر علشان الدوري يخلص، وبعد كده شهر استعداد للموسم الجديد، يبقى هانبدأ الموسم ده إمتى؟».

 وواصل: «عندنا لاعيبة محترفة لسه مارجعتش، ولما هاترجع محتاجة أسبوعين عزل، وفي أندية بتكح ومفيش معاها فلوس.. الأندية بدأ تشم نفسها بإيرادات الاشتراكات، واللجنة المؤقتة بتقول إن لو حد حصل له حاجة الأندية تبقى مسؤولة عنه. أنا ابقى مسؤول عنه لو أنا صاحب قرار لعب الدوري».

 وقال: «سيبك من الأهلي والزمالك، المهم المصلحة العامة، أنا مع عودة الحياة لطبيعتها، بس افتح المساجد الأول بعد كده الملاعب، عاوز تخلي الأهلي بطل الدوري فوق دماغنا، لكن محدش يحصل له حاجة، أنا عندي سامي الشيشيني قدم استقالته علشان التمسك بقرار العودة ووجود مخاطر بسبب ده».

 وكشف: «تحدثت مع وزير الرياضة عن سبب التمسك بعودة الدوري على الرغم من عدم التحدث مع الأندية والجلوس معهم، وفي مذكرة هاتتعمل بأسباب رفضنا عدم استكمال الدوري».


لمشاهدة الفيديو برجاء زيارة رابط الخبر الأصلى



مصدر الخبر

التقييم

هل أشار المحرر إلى المصدر في حالة النقل أو الاقتباس؟
أشار المحرر إلى المصدر في حالة النقل أو الاقتباس
أشار المحرر إلى إن المعلومات الواردة فى الخبر جاءت على لسان المستشار مرتضى منصور رئيس نادى الزمالك،وذلك في مداخلة هاتفية ببرنامج «على مسؤوليتي» على قناة «صدى البلد».
هل نسب المحرر الصور إلى مصادرها؟
نسب الصور لمصدرها
نسب الموقع الصورة لمصدرها، وذكر أنها تصوير طارق وجيه.
هل ذكر المحرر مصادر المعلومات الواردة بالمحتوى؟
ذكر مصدر المعلومات
نسب المحرر المعلومات الواردة فى الخبر إلى مصدر محدد الهوية، وهو رئيس نادى الزمالك المستشار مرتضى منصور، وذكر كيفية وزمان ومكان حصوله على المعلومات.
هل هناك معلومات خاطئة ضمن المحتوى؟
خبر صحيح
تم التأكد من صحة المعلومات الواردة فى الخبر من خلال الرابط التالى: https://bit.ly/3d9Kvz3
هل قدم المحرر تغطية كافية للموضوع؟
أغفل المحرر جوانب أو تفاصيل جوهرية
اغفل المحرر الكثير من التفاصيل الجوهرية التى كانت ستساعد القارئ على فهم سياق الأحداث، مثل وجود حالة من الشد والجذب بين معظم الأندية المصرية، واتحاد الكرة بسبب رفض عودة الدورى،وأهم الأندية التى رفضت عودة الدورى، وأهم الأندية التى وافقت على الموضوع، وسبب الرفض. https://bit.ly/2Y9R4xj
هل تمثل المصادر المستخدمة في المحتوى أكثر من وجهة نظر؟
وجهة نظر واحدة
استعرض المحرر وجهة نظر المستشار مرتضى منصور رئيس نادى الزمالك، ولم يقدم الآراء الخاصة بالأندية الموافقة على المشاركة فى الدورى، وأن تكون بدايته مع شهر يوليو الحالى. https://bit.ly/2UV6N1j
هل استخدم المحرر مصادر مناسبة؟
استخدام المصادر مناسب
لصلته الوثيقة بالأحداث.
هل العنوان موضوعي ودقيق؟
العنوان موضوعي ودقيق
ارتبط العنوان بمتن الخبر.
هل تناسب المادة المصورة المحتوى المكتوب؟
المادة المصورة تناسب المحتوى المكتوب
الصورة مناسبة للمحتوى المكتوب.
تم التقييم بواسطة فريق التقييم بتاريخ 2020/06/21 04:27

تعليق المقيم

الخبر صحيح، ونسب المحرر الصورة لمصدرها، وكان العنوان موضوعى ودقيق، والصورة مناسبة للمحتوى المكتوب، ونسب الموقع الصورة لمصدرها.

رد الصحفي

لا يوجد

رايك في التقييم

التعليقات