عايز تشجع المنتج المصرى.. ادعم تجربة «مها» و«نهى»: ما يجيبها إلا بناتها (فيتشر)

حرصهما على تشجيع المنتج المحلى دفعهما لمحاربة المنتجات الأجنبية المطروحة بكثرة فى الأسواق، ومساندة أصحاب الحرف اليدوية المختلفة، من خلال افتتاح معرض يضم جميع الصناعات المصرية فائقة الجودة مثل أدوات المنزل المختلفة، والملابس، وبعض الصناعات الخشبية، كبديل عن المنتج الأجنبى الذى يتهافت عليه المواطنون، رغم سعره المرتفع. مها عادل ونهى هانى، لم تتخطيا الـ30 عاماً، تعملان فى مجال التصميم الإلكترونى، وتعشقان المشغولات اليدوية، ما جعلهما ترفضان طريقة تعامل المصريين مع المنتج المحلى والصناعات اليدوية، والتقليل من قيمتها، للدرجة التى أصبحت سيئة السمعة من هول الشائعات التى تلصق بها، فحاولا تعديل تلك النظرة فى الـ«جاليرى» الخاص بهما فى المنطقة 9 فى مدينة العبور. «بنعرض كل حاجة الناس عايزينها من الإبرة للصاروخ، وكله صنع فى مصر، مفيش أى قطعة مستوردة، وبجودة عالية زى المنتج الأجنبى اللى كل الناس بتجرى وراه، عاوزين نقول للناس تعالوا جربوا وشوفوا بنفسكم الخامة اللى بتتعاملوا معاها»، بحسب «نهى». «صنع فى مصر»، شعار رفعته الفتاتان للترويج للصناعات المحلية التى تعرضانها فى الجاليرى: «مابنقبلش أى حاجة، لازم تكون الكواليتى والتقفيل كويس جداً عشان مانخسرش الزباين، وعشان فكرتنا توصل للجميع إن الحاجات المصنوعة فى مصر أفضل وتقدر تعيش وتنافس أى منتج أجنبى مهما كان، وإن المنتج المحلى المصنوع تحت بير السلم ده مالوش علاقة بالصناعة المصرية العريقة».