92%
Accuracy rank
الحائرون فى استثمار «تحويشة العمر»: الذهب «طالع ولا نازل؟»
August 07, 2018 |
| Reviewed by: Dina Aboelmaaref
| Category: Economics
«الذهب هيغلى ولّا هيرخص؟».. السؤال الخالد، لا يلبث أن يطرحه كثيرون بحثاً عن إجابة شافية لشكل الاستثمار الأفضل لمدخراتهم، سؤال ارتبطت إجابته فى الشهور الأخيرة بالتصريح المغلوط الذى نقلته وكالة بلومبرج الأمريكية عن رجل الأعمال المصرى نجيب ساويرس، فى مايو الماضى، بشأن تحويل نصف «ثروة ساويرس» إلى ذهب.
وقتها نشر الرجل تصحيحاً للخبر المغلوط، مؤكداً أنه كان يقول إن استثماراته فى مناجم شركات التعدين ومناجم الذهب تساوى 50% من أصل ثروته، لكن السيف كان قد سبق العذل، فرغم الانخفاض المتواصل فى أسعار الذهب من وقتها وحتى الآن، فإن التعامل مع الذهب باعتباره الوسيلة الأفضل للاحتفاظ بالمال كان فى المقدمة.. أحمد عبدالستار، أحد هؤلاء: «مكنتش ناوى أشترى شبكة كبيرة، لكن لما سمعت التصريح وقتها جبت بقلب»، يروى كيف أكرمه بائع الذهب وقتها فى مدينة القصير بمحافظة البحر الأحمر: «صحيح الدهب بينزل وناس كتير قالوا لى التصريح غلط والدهب مش هيطلع ولا حاجة، لكن مش ندمان، لأنه حتى لو نزل بيكون حاجة بسيطة وبيرجع يرفع أكتر من الأول».
الذهب لا يزال الوسيلة الأفضل للاحتفاظ بالمال
خمسة آلاف جنيه إجمالى مدخرات أمل أحمد، ترغب فى الاستثمار بها «عارفة إن المبلغ قليل بس نفسى ما يتصرفش، لو شلتهم هاخد منهم غصب عنى، فكرت فى الدهب لكن شايفاه بينزل من ساعة كلام ساويرس».. هكذا بدأت السيدة فى استشارة الكثيرين حولها ممن اعتادوا شراء الذهب: «تفتكروا هينزل أكتر من كده ولا أتوكل وأشترى؟»، قرار تبعه ندم شديد: «من ساعة ما اشتريت وهو بينزل ما بيطلعش، والتصريح طلع غلط وشكلى اتورطت».
فى شارع الصاغة بالحسين، يتابع «بيشوى» عمليات الشراء والبيع من موقعه داخل المحل الخاص بأسرته: «الجرام نزل من ساعتها لحد دلوقتى 45 جنيه، بس أكتر حاجة شايفها الاتصالات المستمرة من الناس اللى بتسأل على الأسعار كل يوم أكتر من الأول». «كثير من الأسئلة والحيرة، قليل من القرارات»، هكذا بدت الأمور لـ«بيشوى»، الذى أكد: «الناس اللى بتستثمر فى الدهب معروفين، بيشتروه فى الغلا والرخص لأنهم عارفين إن قيمته مابتتغيرش، زيهم زى التجار، مضطرين يشتروا الدهب أول بأول عشان ده رأس مالهم، صحيح الدهب بينزل لكن إنتاجه واستهلاكه زى ما هو، لأن الناس مستنياه ينزل أكتر من كده».
Our detailed review
Does the author refer to the source of the images used in the article clearly?
لم ينسب الصور لمصدرها
Did the editor refer to the sources of the information used in the article?
ذكر مصدر المعلومات
Resource Links
The article was copied from
El Watan News
2018-08-07 20:39:28
View original article
Rating and Reviews
Misappropriated Image
Human Rights
Accurate
100%
Credibility
Accurate
100%
Professionalism
Misappropriated Image
75%
Want accurate news and updates?
Sign up for our newsletter to stay up on top of everyday news.
We care about the protection of your data. Read our
Privacy Policy
