83%
نسبة التقييم
17 معلومة ونصيحة للوقاية من فيروس "كورونا".. تعرف عليها
April 15, 2020 |
الصحفي: محمد الجندى
| تم التقييم بواسطة: Dina Aboelmaaref
| التصنيف: منوعات
نشر الدكتور محمد علام، نائب مدير مستشفى النجيلة المركزي بمحافظة مطروح، أول مستشفى تم تخصيصها لعزل المصابين بفيروس كورونا المستجد، ١٧ معلومة ونصيحة للمواطنين المصريين للوقاية من الإصابة بالفيروس.
وقال نائب مدير المستشفى، تانى وتالت وألف معلش الكلام كتيير حاولوا تقروءه وتوصلوه لأقاربكم ومعارفكم شير بعد ما تقرأ علشان يوصل لكل الناس.
1- الفيروس مش بيتنقل عن طريق الهواء غير في ظروف معينة. لبس الكمامة حاليا أصبح مطلوبا في الأماكن الزحمة والمواصلات والتجمعات وإن كان البعد عنها أحسن.
2- الجوانتى ملهوش أي لزمة للمرة المليون بيضر مش بيفيد.
3- غسيل الأيدي لمدة 20 لـ 40 ثانية بالمياه والصابون كفيل لقتل الفيروس.
4- الكحول من أول تركيز 60٪ ممتاز ويقضى عليه تقدر تمسح ايدك كويس بيه كل شويه مش تغرقها.
5- لو حاسس بأعراض برد بس البس كمامة كح واعطس في منديل ولو الأعراض مستمرة ومتحسنتش روح اكشف ومتخافش هتخف لو أنت عملت كده وغيرك عمل كده مش هتنتشر العدوى بينا.
6- الشلولو واى نوع اكل مبيقضيش على الفيروس الأكل الصحى بيحسن المناعة لكن مبيقضيش عليه.
7- الميت مبينقلش الفيروس ولا في خوف منه طالما متغسل. ومتكفن داخل المستشفى هيطلع بدون أي خطر منه تقدر تدفنه عادى ومتخفش الخوف من التجمعات والعزاء والسلام والتقبيل والأحضان.
8- الأسواق دخولها يكون بحساب وفى اوقات مش زحمة ومتلمسش حاجة غير اللى هتشتريها وتمسح ايدك كويس قبل دخولك الأسواق وبعد خروجك منها ولابس كمامه وبلاش جلافز.
9- الكلور مطهر ممتاز لكن مينفعش على الجلد.
10- الملابس بتتغسل بالمياه والمسحوق فقط كفاية جدا وكفيلة تقضي على الفيروسات.
11- ارتفاع درجة الحرارة في الصيف مش هيقضى على اننشار الفيرس أي نعم هيقلل عمر الفيرس على الاسطح يعنى بدل 12 ساعة هيقل مثلا لـ9 وبدل 3 أيام ممكن يكون يومين لكن مازال موجودا وبينتشر بمعدل أقل شوية.
12- مفيش علاج نهائى ليه حتى الآن اللى بيحصل علاجات تجريبية وفى منها مبين نتائج مبشرة وحتى الآن الناس بتخف بسبب مناعتها وأدوية لعلاج الالتهاب الرئوي اللى حصل وتعويض الضرر وناس كتيير بتعدى وبتخف الحمد لله.
13- الإصابة بالكورونا مش عار ولا عمرها هتكون عار ده مرض زى باقى الأمراض ونسبة الشفاء منه عالية جدا.
14- أعراض المرض مش واضحة وعلشان تبقى واضحة لازم يكون عدى فترة على الإصابة بتوصل لأسبوع علشان تبدأ تظهر علامات في الأشعة المقطعية والتحاليل تخلينى أشك.
15- الحل الوحيد التباعد المجتمعى والالتزام بتعليمات النظافة والتطهير حتى الآن ويا ريت لو استغلينا الموضوع ده صح لان ده بيأمن كل الناس من الإنفلونزا وغيرها من الفيروسات التنفسية.
16- كبار السن وأصحاب الأمراض المزمنة اللي مش مظبطين علاجاتهم أكثر عرضه للمضاعفات بس مش معنى كده أن كل واحد كبير لو عنده مرض مزمن هيموت الوفيات من 6 لـ16٪ من الفئات دى فنخاف عليهم ونزولهم يكون ممنوع والخطر عليهم هيكون منك فأمن نفسك كويس وأنت خارج وأنت راجع.
17- الخل مبيعملش حاجة مع الفيروسات التاجية اللى كورونا المستجد واحد منهم ملهوش لزمة في الحالات دى.
الكلام ده مهم والناس كلها لازم تكون فاهمة احنا بنتعامل مع إيه، أنا قلت الكلام ده في كل الفيديوهات والبوستات القديمه قلت أذكر نفسى وأذكركم بيه.
تعليق المقيم
المحرر قدم تغطية جيدة للنصائح والمعلومات التي نشرها الدكتور محمد علام، نائب مدير مستشفى النجيلة المركزي بمحافظة مطروح، للوقاية من الإصابة بالفيروس. ولكنه لم يوثق مصدر حصوله على المعلومات، وكذلك لم يوثق الموقع صورة الخبر.
تعليق الصحفي
No Comment
التقييم المفصل
هل نسب المحرر الصور إلى مصادرها؟
لم ينسب الصور لمصدرها
الصورة بدون مصدر محدد
هل ذكر المحرر مصادر المعلومات الواردة بالمحتوى؟
لم يذكر مصادر المعلومات
المحرر لم يوضح أن المصدر ذكر المعلومات عبر حسابه الشخصي على فيسبوك
تم نقل النص من
البوابة نيوز
2020-04-15 06:47:53
تصفح أصل المحتوى
أبرز الأخطاء
صورة بدون مصدر
حقوق الإنسان
جيد
100%
المصداقية
جيد
100%
الاحترافية
صورة بدون مصدر
0%
نشرة أخبار ميتر
للاطلاع على تقييمات المواقع الأكثر شعبية وأبرز الأخبار الكاذبة.
نحن نهتم بحماية بياناتك. اقرأ
سياسة الخصوصية
