وزير النقل من البرلمان: "اللى هتتمد إيده على المال العام مش هسيبه"




وزير النقل من البرلمان: "اللى هتتمد إيده على المال العام مش هسيبه"
سياسة / خبر
جودة الخبر 91%
وجهة نظر واحدة تفاصيل ناقصة صورة مسروقة

تم نقل النص عن جريدة اليوم السابع بتاريخ 15/04/2019 09:51

المحرر - كتب محمود حسين



وزير النقل: إيرادات الأسبوع الماضى 41,7 مليون بزيادة 8,4 مليون عن الأسبوع السابق له

أكد المهندس كامل الوزير، وزير النقل والمواصلات، أنه يحرص على تعظيم الموارد فى الوزارة بكل قطاعاتها للحفاظ على المال العام ومنع إهداره وضبط الأداء، ما يساعد على سرعة تنفيذ المشروعات وتحقيق الصالح العام.

جاء ذلك خلال اجتماع لجنة الإدارة المحلية بمجلس النواب برئاسة المهندس أحمد السجينى، مساء اليوم الأحد، بحضور وزير النقل، حيث يعد اليوم أول حضور للوزير فى البرلمان منذ توليه منصبه. وقال المهندس كامل الوزير، وزير النقل، موجهًا حديثه للنواب: "أشكركم على دعوتكم لى، وأعتذر عن دعوتكم لى المرة اللى فاتت وإنى مجتش، لأن حصل لبس فى عرض الخطاب الخاص بالحضور باجتماع اللجنة، وبمجرد ما عرفت إن الجلسة منعقدة بادرت واتصلت برئيس اللجنة، ومقدرش اتأخر، أنا بمجرد ما أعرف إن حد عايز يقابلنى يشوف شغلنا، بحب أروح للناس علشان يطمنوا على بلدهم وعلى الشغل، وبرحب إنى أجى مجلس النواب ونتكلم ونعرف المشاكل ونحلها، وإن النواب تتواصلوا معايا ومش هسييبكم وهنطلع مع بعض كل يوم وننزل مع بعض الفجر ونشوف طرق وكبارى وغيرها، وبخصوص ميناء البحر الأحمر، لو ثبتولى إن فعلا فيه قصور فى الميناء، انتوا جهزولى من دلوقتى أحسن واحد يمسك رئيس هيئة ميناء البحر الأحمر، انتوا اللى حاسين بالناس وانتوا اللى هتنقلولنا مطالبهم ومشاكلهم".

وتابع وزير النقل: "أنا حتى الآن مخدتش مليم من الدولة، والحمد لله بدأنا نعظم مواردنا، ونحاول نمنع التزويغ والهروب من التذاكر، وفى أسبوع جايبين إيراد أعلى من الأسبوع اللى قبله، فالإيرادات كانت حوالى 41,7 مليون الأسبوع اللى فات، بزيادة عن الأسبوع اللى قبله 8,4 مليون، واللى فى أيدينا من موارد نعظمه ونستخدمه أحسن استخدام، لنلبى مطالبكم ومطالب الشعب الذين تمثلوه، فالسكة الحديد والموانئ والنقل النهرى والكبارى كله فيه مشاكل وعدم انضباط، وأنا عندى اليوم 24 ساعة ملكوش عندى غير 24 ساعة، هنشتغل مع بعض 24 ساعة، ومن ستمتد ايده على المال العام مش هسيبه، وبعد اعتماد الموازنة هنبدأ نعظم المشروعات التى اعتمدت لينا، ونحاول أن نأخذ إمكانيات أكبر شوية من المتاح لوزارة النقل، لأنها تتابع مشروعات عديدة، ومؤشرات الموازنة بتقول إنه احتمال يعتمد لينا فى وزارة النقل 35 مليار جنيه، لكن ميعملوش الشغل والمشروعات اللى تخلينى أقول إنى خلال سنة عملت حاجة، فهناك طرق عديدة يتم العمل على تنفيذها، وهناك 10 محاور على النيل، كلهم شغالين فيهم فى وقت واحد وليهم خطة، نخلص العشرة دول الأول ويدخلوا الخدمة والناس تستفيد بيهم".

واستطرد: "هناك تشريع نحاول نعده بخصوص الطرق، ولحد ما يعد هذا التشريع، أصدرت قرارًا وزاريًا لكل مديريات الطرق، نحاول نساعد المحافظات فى الطرق الداخلية، ونختار الطرق المؤثرة التى تتكامل مع بعضها من حيث جودة الطرق والتكلفة المالية، هنساعد المحافظين، وكلهم مرحبين وشايفين إن دى خطوة لابد تتعمل، وفى وقت قريب هقولكم تعالوا الخطة بتاعتنا أهى، دا نظام شغلى مش بحب أضحك على حد، اللى هقدر اعمله هعمله، عايزين نتكلم عن طريق يخدم الناس، محدش يجى يقولى عايز اعمل 100 متر أدام بيتى، بنتكلم عن طرق داخلية وطرق رئيسية بين المحافظات، ونستهدف إننا نسهل على المواطن". وعن الوضع فى السكة الحديد، قال وزير النقل: "السكة الحديد فيها شغل كتير جدا، الخردة مثلا كانت تباع فى أحسن سنة بـ12 مليون جنيه، خردة قضبان عربيات نقل وغيرها، وناس تعمل حركات مش مضبوطة، 12 مليون فى الكهن الثمينة، إحنا قولنا الكلام دا مينفعش، وفى جلسة واحدة بيعت بـ340 مليون جنيه، وعايز أقولكم اطمنوا وادونا فرصة وهتشوفوا نتيجة مجهود كبير وتوفير كبير فى الفلوس وتعظيم فى الموارد المتاحة، هنعمل اللى يرضى ربنا ويرضيكم ويرضى شعبنا العظيم، وأنا من قرية فى مركز المنصورة بمحافظة الدقهلية".

واستمع وزير النقل الفريق كامل الوزير، خلال الاجتماع إلى النواب فيما يتعلق بمشاكل محافظاتهم ودوائرهم، وأغلبها متعلقة بمشكلات الطرق والمزلقانات والكبارى.   إضافة تعليق موضوعات متعلقة.. التعديلات الدستورية تصل محطتها الأخيرة باللجنة التشريعية.. توافق على زيادة مدة الرئاسة لـ6 سنوات..تخصيص 25% من مقاعد البرلمان للمرأة.. مدة الرئيس السيسى تنتهى بعد 6 سنوات من انتخابه.. ويجوز له الترشح لمرة ثانية


مصدر الخبر

التقييم

هل تمثل المصادر المستخدمة بالمحتوى جهة واحدة من الرأي أم تعرض الرأي الآخر؟
جهة واحدة
هل المصادر المستخدمة حديثة ومناسبة لسياق الموضوع؟
حديثة ومناسبة
هل فصل المحرر بين تعليقه والمحتوى الخبري المقدم للقارئ؟
فصل التعليق
هل نسب المحرر الصور إلى مصادرها؟
لم ينسب الصورة لمصدرها
الصورة منتشرة على شبكة الإنترنت، لكن المحرر لم يذكر مصدرها
هل ذكر المحرر مصادر المعلومات الواردة بالمحتوى؟
ذكر مصدر المعلومات
هل قدم المحرر تغطية كافية للموضوع؟
أغفل المحرر جوانب أو تفاصيل جوهرية
المحتوى يتحدث عن زيادة موارد وزارة النقل بعد اسابيع من تولي وزير النقل منصبه، لكن المحرر لم يتحدث عن الخلفية التي جاء بها الوزير الجديد وانتقاله من الهيئة الهندسية للقوات المسلحة إلى الوزارة لمحاولة تطوير مرافق النقل والمواصلات خاصة هيئة السكك الحديد ومحاولة السيطرة على الحوادث المتكررة بها والتي كان آخرها حادث محطة مصر.
هل هناك معلومات خاطئة ضمن المحتوى؟
خبر صحيح
هل هناك تلاعب في المعلومات و/ أو في سياق عرضها؟
ابتعد المحرر عن التلاعب في المعلومات و/أوفي سياق عرضها
هل المحتوى المرئي المستخدم مناسب للموضوع؟
مناسب
هل يعبر العنوان عن مضمون المحتوى المقدم؟
يعبر عن المحتوى
هل العنوان واضح وغير متحيز؟
واضح
هل هناك أي تعميم في المحتوى؟
المحتوى خالي من التعميم
هل هناك أي إهانة و/أو تشويه و/أو تشهير لفرد أو مجموعة ضمن المحتوى؟
المحتوى خال من أي (إهانة و/أو تشويه و/أو تشهير) بحق فرد أو مجموعة
هل هناك انتهاك لخصوصية الأفراد ضمن المحتوى؟
ليس هناك أي انتهاك لخصوصية الأفراد
هل هناك خطاب كراهية ضمن المحتوى؟
المحتوى خال من خطاب كراهية
هل يوجد في المحتوى أي تحريض على العنف؟
المحتوى ليس فيه أي تحريض على العنف
هل هناك تمييز و/أو تنميط ضد أفراد أو مجموعات ضمن المحتوى؟
ليس هناك أي تمييز و/أو تنميط ضمن المحتوى
تم التقييم بواسطة فريق التقييم بتاريخ 2019/04/15 10:17

تعليق المقيم

المحتوى عبارة عن تصريحات لوزير النقل أمام البرلمان، لكن المحرر لم يجتهد فيه معالجتها المعالجة الصحفية المطلوبة من تنسيق وصياغة. وعلى هذا فيحتاج هذ النص نظرة اخرى لترتيب افكار النص ومعالجة صياغته حتى يكون صالحا للنشر والقراءة

رد الصحفي

لا يوجد

رايك في التقييم

التعليقات