مصطفى كامل لهاني شاكر: "راعي ربنا وطهر النقابة من الفاسدين"

علق الفنان والمطرب مصطفي كامل، على صورة الموسيقار عمار الشريعي التي عرضها عليه الإعلامي محمد موسي خلال حواره في برنامج "خط أحمر" المذاع عبر فضائية "الحدث اليوم"، قائلاً: " أنا أخدت شرف دخولي النقابة وهو كوني اقعد في يوم من الأيام كمسؤول استماع مع الفنان عمار الشريعي"

وأضاف كامل، " الفنان عمار الشريعي قالي أنت فنان إيه اللي دخلك النقابة أنت بتاع فن ومكسب"،

مضيفاً ماحدث بيني وبين الفنان إيمان البحر درويش بسبب الوباء الموجود بالنقابة والخلافات نتيجة دخول الشيطان بينهما.

وتابع: "كان إيمان معايا في الانتخابات وفي المحكمة وفي صفي لأننا أيقنا كنجوم كبار ان هؤلاء لعبوا بنا ولو الدولة ما أخدتش بالها منه هيستشري أكثر من كده، أنا اتحاربت وأنا نقيب للموسيقيين لمحاربتي للفساد ومحدش يقدر يقول فيا كلمة والحرامية الموجودين بالنقابة معروفين للدولة ومع ذلك موجودين واللي بيصعب عليا الناس دي بتنجح وبتقود مهنتي ومسكتهم أمام أعضاء مجلس موجودين دلوقتي وسابقين وتمسك حرامية وينجحوا ويزوروا تاني" .

وناشد مصطفي كامل  الرئيس عبدالفتاح السيسي، بالتدخل للنظر لما يحدث في نقابة الموسيقيين من فساد، موجها رسالة للفنان هاني شاكر قال فيها "راعي ربنا بقي وأنا بعتلك عن حاجات كتير وشكرتني على دعمي لك في قرارات بتاخدها  ولفتت نظرك لحاجات كتير وبقوللك عندك ناس فاسدة لقيته بيرد عليا ربنا يحفظنا يادرش"

لمشاهدة الفيديو برجاء زيارة الرابط الأصلى للخبر